PUL
.jpg)
Samsung şirkəti Cənubi Koreyanın SK Telekom adlı mobil operatoru ilə birlikdə dünyada ilk dəfə təsadüfi rəqəmlərin kvant generatoruna sahib smartfonunu təqdim etdi. Daha əvvəllər böyük hesablama stansiyalarında istifadə olunan bu texnologiyanın mobil cihazda tətbiq edilməsi öz növbəsində onun təhlükəsizliyini yüksək səviyyəyə çatdırıb. Təqdim edilmiş Galaxy A Quantum smartfonu Galaxy A71 modelinin təkmilləşdirilmiş versiyası hesab edilir. Smartfon 6.7 düym ekran, Exynos 980 prosessoru, 8 GB RAM, 128 GB daxili yaddaş həcmi, 64 MP-lik arxa kamera və 25 vatt gücündə sürətli şarj texnologiyalı 4500 mAh enerji tutumlu batareya ilə təchiz olunub.
Adi Galaxy A71-dən Galaxy A Quantum smartfonunu fərqləndirən əsas özəllik ondan ibarətdir ki, o, İsveçrənin ID Quantique şirkəti tərəfindən yaradılmış QRNG çipinə sahibdir. Bu çipin isə əsas özəlliyi ondadır ki, o, kvant şifrələnməsi texnologiyası əsasında rəqəmlər generasiya edir. Beləliklə ənənəvi proqram təminatları ilə müqayisədə bu cür texnologiya vasitəsilə əldə olunan təhlükəsizlik açarları daha etibarlı və gözlənilməz olurlar. Smartfonun gövdəsində olan işıq diodu sensoru tərəfindən təyin olunan təsadüfi foton burda kvant hissəciyi rolunu oynayır.
Tərtibatçıların sözlərinə əsasən məlumatların qorunması üçün nəzərdə tutulmuş bu yeni texnologiya mobil chazın təhlükəsizlik səviyyəsini daha da yüksəldir. Təsadüfi rəqəmlərin kvant generatoru təkcə mesajların mübadiləsində deyil, həmçinin Samsung Pay ödəniş servisində və istifadəçidən xüsusi hesabla daxil olmağı tələb edən bütün servislərdə istifadə olunacaq. Galaxy A Quantum smartfonu 22 may tarixində 530$ qiymətində satışa çıxacaq.
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.jpg)
.jpg)
.jpg)
.jpg)
.jpg)