Maraqlı

Apple Watch smart cihaz bazarının yarısından çoxuna sahib olub

12 May 2020 21:45
0 Şərh     Baxış: 1 250
VTB-də minimal faiz dərəcəsi ilə nağd kredit 10.49%-dən
#TEXNOLOGİYA

Cənubi Koreya nəhəngi Samsung ikinci olub.

Pandemiyaya baxmayaraq, bu ilin birinci rübündə smart saat bazarı 20,2% artıb. Cari ilin ilk üç ayında 13,7 milyon "ağıllı" saat satışa çıxarılıb.

Milli.Az ted.az-a istinadən bildirir ki, bu haqda Strategy Analytics şirkətinin məlumatında deyilir.

Məlumata görə, bazarın lideri Apple şirkəti olub. Kompaniya smart saat istehsalını 22,6% artıraraq, satışa 7,6 milyon cihaz çıxardıb. Bununla da, Apple smart saat bazarında 55,5% paya sahib olub.

İkinci yerdə satışını 11,8% artıran Samsung şirkəti gəlir. Cənubi Koreya nəhəngi bazara 1,9 milyon smart saat çıxarıb. Üçüncü yerdə isə Garmin şirkəti gəlir. Sözügedən şirkət ilk üç ayda 1,1 milyon cihaz istehsal edib.

Strategy Analytics şirkətinin mütəxəssisləri hesab edirlər ki, smart saat bazarı bu ilin birinci rübündə göstərdiyi nəticəni ikinci rübdə göstərə bilməyəcək. Onların fikrincə, pandemiya bu bazara da növbəti aylarda mənfi təsirini göstərəcək.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.