Maraqlı

Artıq brend maskalar tikilir - FOTO

3 Aprel 2020 20:55
60 Şərh     Baxış: 5 520
VTB-də minimal faiz dərəcəsi ilə nağd kredit 9.9%-dən
#DİZAYN #DƏB

Tanınmış prodüsser Yana Rudkovskaya dəhşətli virusa yoluxmaq təhlükəsi və dünyadakı vəziyyətə baxmayaraq, Fransaya "Moda həftəsi"nə gedib.

Milli.Az Lent.az-a istinadla xəbər verir ki, o, təyyarədəki təhlükəsizliyini tibbi maska ilə təmin etsə də, dizayner forması sosial şəbəkə istifadəçilərində qəzəbə səbəb olub.

Qeyd edək ki, koronavirus təhlükəsinə görə dünyanın məşhur brendləri istehsalı dayandırıb və mağazalarını da bağlayıblar. Məlumata görə, indi onlar koronavirusdan qorunmaq üçün maska və tibb işçiləri üçün xüsusi geyimlər tikəcəklər.

Bu məqsədlə "Prada", "Gucci", "Salvatore Ferragamo", "Fendi", "Valentino", "Celine", "Dior", "Burberry", "Emporio Armani" kimi məşhur brendlər səylərini birləşdiriblər.

Bu səbəbdən "Gucci" milyondan çox maska, infeksiyadan qoruyacaq 55 min köynək tikmək niyyətindədir. "Prada" xəstəxanalara 80 min qoruyucu tulum, 110 min maska bağışlayacağına söz verib.
"Corcio Armani" İtalıyadakı xəstəxanalara 1,4 milyon dollar bağışlayıb. Bundan başqa, Milan və Romadakı xəstəxanalara bəzi tibbi alətlər də hədiyyə edib, hətta maska tikəcəyini də açıqlayıb.

Ətir istehsalını dayandıran "Louis Vuitton", "Givenchy" və "Christian Dior" əvəzində dezinfeksiya edici vasitələr istehsal edəcək. Bu vasitələrin Fransa hökumətinə bağışlanacağı gözlənilir.

Milli.Az 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.