Maraqlı

"Honda" 241 000 miniveni geri çağırıb

14 Fevral 2020 21:04
0 Şərh     Baxış: 1 208
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

ABŞ-ın Avtomobil Nəqliyyatında Hərəkətin Təhlükəsizliyi üzrə Milli İdarəsinin açıqladığı informasiyaya görə, "Honda" özünün 241 000-dən çox populyar "Odyssey" minivenini geri çağırıb. Şirkət elektrik rozetkasındakı naqillərin alışma riskini artırdığını ehtimal etdiyinə görə belə bir addım atıb.

Milli.Az AZƏRTAC-a istinadən bildirir ki, 2018-ci və 2019-cu illərin bütün "Honda Odyssey" modelləri, habelə 2020-ci ilin bəzi modelləri, o cümlədən "Odyssey EX-L", "Odyssey Touring" modelləri və "Odyssey Elite" avtomobilləri geri çağırılıb.

Avtomobil Nəqliyyatında Hərəkətin Təhlükəsizliyi üzrə Milli İdarənin statistikasına görə, problem 241 339 avtomobili əhatə edə bilər.

Naqillərlə problem üçüncü sırada əlavə rozetkanın olması ilə bağlıdır. Belə ki, çoxnaqilli kabelin arxadakı daxili panel ilə avtomobilin bütöv banı arasında sıxılmış vəziyyətdə olduğu ehtimal edilir. Sıxılma isə qısa qapanmanın baş verməsinə, çoxnaqilli kabelin qızmasına və yanğının baş verməsinə gətirib çıxara bilər.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.