Maraqlı

“Android” sistemi ilə işləyən qurğular təhlükə altındadır

13 Fevral 2020 08:31
0 Şərh     Baxış: 980
VTB-də minimal faiz dərəcəsi ilə nağd kredit 10.49%-dən

Mütəxəssislər "Android" sisteminin idarəetməsi altında işləyən smartfonlarda "Bluetooth"dan istifadənin riskli olması barədə məlumat veriblər. Almaniyanın "ERNW" kibertəhlükəsizlik agentliyi bu boşluğu aşkar edib.
 
Milli.Az ictnews.az-a istinadən bildirir ki, mütəxəssislər "Android" əməliyyat sistemlərinin kodunda "Bluetooth" ilə bağlı təhlükəli boşluq aşkar ediblər. Məlumata görə, haker "CVE-2020-0022" səhvinin köməyi ilə "Android"in idarəetməsi altında işləyən istənilən smartfona qoşula bilər. Bunun üçün cinayətkarlara konkret qurğunun "Bluetooth" MAC ünvanını öyrənmək lazımdır.
 
Hesabata əsasən, qurbanın smartfonu ilə əlaqə qurulduqdan sonra haker qurğuya virus proqramları quraşdıra və cihazı tam idarə edə bilər. Başqa istifadəçinin qurğusuna qoşulma fon rejimində baş verir və cinayətkara qoşulma üçün qurbanın təsdiqetməsi lazım deyil.
 
"ERNW" agentliyinin nümayəndəsi deyib ki, 2019-cu ilin noyabrında aşkar edilmiş boşluq haqqında dərhal "Google" şirkətinə məlumat verilib. Fevralda ABŞ şirkəti "Android"in aktual versiyaları üçün tövsiyə edilmiş təhlükəsizlik paketini çıxarıb. Mütəxəssislər bildiriblər ki, "Android 9", "8" və daha əvvəlki sistemlərin istifadəçiləri təcili olaraq sistemi yeniləməlidirlər, "Android 10" versiyasının kodunda isə "CVE-2020-0022" boşluğu artıq aradan qaldırılıb.

Milli.Az

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.