Maraqlı

Həzrət Fatimənin (s.ə) bütün müsəlmanlar üçün nümunə olan yaşayış tərzi

14 Yanvar 2020 22:55
1 Şərh     Baxış: 1 071

Həzrət Siddiqeyi-Kubra (s.ə) bütün dünya insanları üçün örnək həyata malik olmuşdur. Xanımın (s.ə) mübarək həyat tərzi ilə tanış olaq:

1. İctimai həyatı. Xanım (s.ə) kamil bir insan kimi ictimai həyatda fəal olmuşdur və cəmiyyətin böhrana düşdüyü hallarda əlindən gələni etmişdir ki, onu ayaqda saxlasın. Bu sahədə həm atasına və həm də həyat yoldaşına möhkəm dayaq olmuşdur.

2. Xanım (s.ə) - kamil insandır. Həzrət Peyğəmbər (s) buyurur: "Mən sizin üçün iki dəyərli şey buraxıram: biri Quran və o birisi itrətim olan Əhli-Beytdir (ə). Siz o zamana qədər ki, bu ikisinə söykənərsiniz - yolunuzu azmayacaqsınız".

Həzrət Rəsuli-Əkrəm (s) bu hədisdə buyurur ki, Həzrət Zəhra (s.ə) - kamil bir insandır və hər kim onun davamçısı olar - səadət yolunda irəliləmiş olar.

3. İki aləmdə olan qadınların rəhbəri. Həzrət Peyğəmbərdən (s) gələn hədisdə oxuyuruq: "Qızım Fatimə (s.ə) - iki aləm qadınlarının rəhbəridir".

4. Qadınların maariflənməsindəki rolu. Besətdən əvvəl ərəblər qadınlarına təhqiramiz rəftarla yanaşardılar. O dövrdə qadına dəyər verilmirdi və onun heyvandan fərqi yox idi. Qadının vəzifəsi ancaq dünyaya övlad gətirmək olmuşdu. Ancaq Həzrət Fatimə (s.ə) bu cahil adət və ənənələrə son qoydu və xanımları bacardığı qədər maarifləndirməyə cəhd etdi. O, ictimai, siyasi, iqtisadi cəhətdən qadınların da cəmiyyətdə iştirak edə biləcəyini öz rəftar və əməlləri ilə bir daha təsdiq etdi.

5. Həzrət Fatimə (s.ə), bir xanımın yerinə yetirməli olduğu mühüm vəzifələri ən ali dərəcədə icra edirdi:

a) Gözəl həyat yoldaşı olmaq. Həzrət Zəhra (s.ə) ev və bayır işlərini Həzrət Əli (ə) ilə bölmüş və boynuna düşən vəzifələri məsuliyyətlə yerinə yetirərdi.

O, həm yaxşı həyat yoldaşı, həm də yaxşı ana idi. İmam Əliyə (ə) buyurur: "Ey Əbul-Həsən! Mən Allahımdan həya edirəm ki, səndən elə şey istəyim ki, onu yerinə yetirməyə qüdrətin olmasın".

b) Kamil övlad tərbiyəsi. Milli.Az deyerler.org-a istinadən bildirir ki, adətən İmam Əli (ə) çox zaman döyüşlərdə və müharibələrdə iştirak edərdi. Ona görə də övlad tərbiyəsi Xanımın (s.ə) üzərinə düşərdi. O, bu məsuliyyətini dərk edərək, elə övladlar yetişdirmişdir ki, heç bir yerdə belə kamil övladlar yetişdirən ana olmamışdır. O, övladlarını həm ruhi cəhətdən və həm də mənəvi cəhətdən tərbiyə edirdi. Onlarla oyun oynayır, əhkamın əsaslarını təlim verirdi. Şeirlərdən istifadə edərək, onların düşünmək qabiliyyətlərini inkişaf etdirirdi. O, şeirlərin birində belə buyurur: "Həsəncan! Atan Əli (ə) kimi ol, haqqın boynunda olan kəndirləri qopart. Ehsan edən Allaha pərəstiş et, düşmən və kinli insanlarla düşmənmçilik etmə!".

c) Mötədil olmaq. Xanım (s.ə) həmişə hər bir mövzularda etidala əməl edərdi. İnsanlar yoxsul yaşadıqları üçün, o da həmin insanlar kimi yaşamağa çalışırdı. Hətta iftar yeməyini belə yoxsullara verirdi.

Ev işləri çox olduğundan Həzrət Peyğəmbər (s) Fizzə adlı xanımı qızına yardım etmək üçün göndərir. Xanım (s.ə) da ev işlərini onunla öz arasında bərabər şəkildə bölür. Salman deyir: "Bir gün gördüm ki, Fatimə (s.ə) özü buğdanı üyüdür. Dedim: "Niyə bu işi sizin yanınızda olan Fizzəyə vermirsiniz?".

O, buyurdu: "Peyğəmbər (s) mənə tövsiyə etmişdir ki, ev işlərini onunla böləm. Dünən onun xidmət etdiyi gün idi, bu gün isə mənim xidmət edəcəyim gündür"".

Allahım, bizləri Həzrət Zəhranı (s.ə) dərk edənlərdən qərar ver!

Milli.Az

loading...

Şərh yaz:

1 Şərh:

  • Anonim
    günahkar bəndə · 15 Yanvar 11:3920

    GÖZƏL ALLAH (cc) BİZLƏRİ HƏZRƏTİ FATİMƏ (sə) XATİR BAQİŞLASİN AMİN

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.