Maraqlı

Yaponiyada nəhəng siçan heykəli ucaldılıb

30 Dekabr 2019 08:52
1 Şərh     Baxış: 1 169
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Yaponiyanın qərbində yerləşən Mie prefekturasındakı Tatsumizu şintoist məbədinin qarşısında nəhəng siçan heykəli ucaldılıb.

Milli.Az AZƏRTAC-a istinadən bildirir ki, dekabrın 29-da ictimaiyyətə təqdim edilən heykəl Şərq təqviminə əsasən 2020-ci ilin rəmzini özündə əks etdirir.

Bildirilir ki, prefekturanın Misato şəhərində quraşdırılan üç metr hündürlüyündə nəhəng heykəl könüllülər və uşaqlar tərəfindən bir neçə ay ərzində penoplastdan hazırlanıb.

Həmin qrupun üzvləri hər il Şərq təqvimi ilə növbəti ilin rəmzini düzəltməklə Yeni ildə xoşbəxtlik və bol məhsul üçün dualar edirlər.

Heykəlin əlində tutduğu qızıl məşəl isə 2020-ci ildə Tokioda keçiriləcək Olimpiya və Paralimpiya Oyunları zamanı yapon idmançıların daha çox qızıl medal qazanmaq arzusunu əks etdirir.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.