Sağlamlıq

22 yaşlı qızda xərçəng aşkarlandı

12 İyul 2025 00:36

Baxış: 1 445

VTB-də minimal faiz dərəcəsi ilə nağd kredit 9.9%-dən

#SAĞLAMLIQ

Avstraliyada 22 yaşlı qız xərçəng simptomlarını menstruasiya ilə səhv salıb. Şarlotta Lasike adlı qız uzun müddət bağırsaq xərçənginin simptomlarını menstruasiya ağrısı hesab edib.

Milli.Az xəbər verir ki, bu barədə İspaniyanın "El Español" nəşri məlumat yayıb.

Lasikenin sözlərinə görə bir gün qarın ağrısı, spazm və köp kimi narahatlıqlar yaşamağa başlayıb. O, bu əlamətləri qidalanma ilə bağlı səhvlər və menstruasiya ilə əlaqələndirib. Lakin vəziyyət getdikcə pisləşib. Daha sonra tibb təhsili alan bir rəfiqəsi onu mütləq həkimə getməyə razı salıb.

İlkin müayinədə qastroenteroloq belə gənc yaşda bağırsaq xərçəngi ehtimalını istisna edib. Lakin aparılan əlavə testlər nəticəsində Lasikenin bağırsaq xərçənginə tutulduğu məlum olub.

Məlumata görə həkim bu diaqnozdan təəccüblənib, çünki onun praktikasında bu qədər gənc yaşda bu xəstəliklə qarşılaşan ilk pasiyent Lasike olub. Qeyd edək ki, bu diaqnoz əsasən 50 yaşdan sonra müəyyən edilir.

Gənc qadın kimyaterapiya və cərrahi müdaxilə nəticəsində remissiya mərhələsinə keçib və hazırda vəziyyəti sabitdir.

Xatırladaq ki, daha əvvəl məktəbdə keçirilən göz müayinəsi zamanı 7 yaşlı bir uşağın beyində xərçəng şişi aşkarlanmışdı.

İsmayıl
Milli.Az