Maraqlı

Paraplanla uçmaq üçün hansı qaydaları bilməliyik?

12 İyul 2025 03:03

Baxış: 954

VTB-də minimal faiz dərəcəsi ilə nağd kredit 9.9%-dən

#MARAQLI #HADİSƏ #BƏDBƏXT HADİSƏ

Paraplanla uçmaq son illər Azərbaycanda da populyarlıq qazanan ekstremal idman növlərindən biridir. Dağların zirvəsindən yavaş-yavaş yüksələrək göy üzündə süzülmək, sakitliyi və azadlığı hiss etmək bənzərsiz bir təcrübədir. Ancaq bu azadlıq hissi arxasında ciddi təhlükəsizlik qaydaları və hazırlıq dayanır.

Milli.Az xəbər verir ki, ilk növbədə, paraplanla uçmaq üçün xüsusi təlim keçmək şərtdir. Təcrübəli və lisenziyalı təlimçilərdən dərs almaq, nəzəri biliklərlə yanaşı praktiki bacarıqlar qazanmaq hər bir başlanğıc üçün vacibdir. Hava şəraiti paraplan uçuşunun ən önəmli amillərindən biridir güclü külək, yağış və ya fırtına zamanı uçuş qadağandır. Hər uçuşdan öncə rüzgarın istiqaməti və gücü, buludların hündürlüyü, hava axınları və təzyiq dəyişiklikləri kimi amillər diqqətlə analiz edilməlidir. Təhlükəsizlik avadanlıqları da bu idmanın ayrılmaz hissəsidir. Paraplançının üzərində mütləq kaska, qoruyucu geyim və ehtiyat paraşüt olmalıdır. Eyni zamanda uçuş sahəsinin qanunvericiliklə müəyyən edilmiş ərazidə olması, hava məkanına müdaxilə etməməsi, digər paraplançılar və uçuş vasitələri ilə toqquşma riskinin qarşısının alınması vacibdir.

Təcrübəli paraplançılar tövsiyə edir ki, heç vaxt təkbaşına, xüsusilə də tanımadığınız ərazilərdə uçuş etməyin və uçuş zamanı daim əlaqə vasitəniz olsun. Qəzaların əksəriyyəti məhz diqqətsizlik, qaydalara əməl etməmə və hava şəraitinə laqeyd yanaşma səbəbindən baş verir. Paraplanla uçuş təkcə cəsarət deyil, həm də məsuliyyət tələb edir. Əgər bütün qaydalara əməl olunarsa, bu idman növü insana həm həyəcan, həm də daxili sakitlik bəxş edə bilər.

Asya
Milli.Az

Milli.Az - Xəbər Portalı

Paraplanla uçmaq üçün hansı qaydaları bilməliyik?

DİGƏR XƏBƏRLƏR

XƏBƏR LENTİ

TOP VIDEO

SORĞU

2026-cı ildən gözləntiləriniz nələrdir?