Maraqlı

Bu ölkə ilk dövlət olacaq ki...

10 Oktyabr 2019 08:01
0 Şərh     Baxış: 1 246
VTB-də minimal faiz dərəcəsi ilə nağd kredit 9.9%-dən
#TEXNOLOGİYA

Fransa hökuməti 2020-ci ilədək ölkədə "Alicem" adlı sifətin tanınması proqramını işə salmağı planlaşdırır. Fransa hakimiyyəti öz vətəndaşlarına onların istəyindən asılı olmayaraq məcburi qaydada rəqəmli pasportlar təqdim etmək istəyir. Bu haqda "Bloomberg" nəşri yazıb.

Milli.Az ictnews.az-a istinadən bildirir ki, artıq bir neçə tənzimləyici qurum və ictimai təşkilat Fransa hökumətinə qarşı iddia qaldırıb. İddialarda deyilir ki, "Alicem" texnologiyası fərdi məlumatların işlənməsinə dair qaydanı pozur. Həmin qaydaya əsasən, korporasiya və dövlətlər vətəndaşların icazəsi olmadan onların məxfi məlumatlarını toplaya bilməz.

Fransa hakimiyyəti iddia edir ki, biometrik məlumatlar yalnız rəqəmli pasportların hazırlanmasında istifadə ediləcək, başqa məlumat bazaları ilə inteqrasiya edilməyəcək və ya kənar şəxslərə verilməyəcək.

Lakin hakerlər qrupu 1 saat ərzində Fransa hökumətinin sınaq məlumat bazasına müdaxilə etməyə müvəffəq olublar.

Ekspertlər bildirirlər ki, Fransa Avropada öz vətəndaşlarına rəqəmli pasportların hazırlanması üçün biometrik məlumatları təqdim etməyi məcbur edən ilk ölkə olacaq. İnsanlar belə pasportların köməyi ilə bank hesablarının uzaq məsafədən qeydiyyatına, elektron SİM kartların alınmasına sürətli çıxış imkanı əldə edəcəklər.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.