Maraqlı

İlk vaxtlar uşaqları "kenquru"da 10-15 dəqiqədən çox saxlamaq məsləhət görülmür

11 Sentyabr 2019 23:34
1 Şərh     Baxış: 1 068

Uşaqları özləri ilə gəzdirməyi sevən valideynlər bəzən onları qucaqlarında aparmağa çətinlik çəkirlər. Çox vaxt valideynlər uşaqları özləri ilə rahat gəzdirmək üçün "kenquru"lardan istifadə edirlər.

Müxtəlif forma və rənglərdə istehsal olunan "kenquru"lar təhlükəsizlik baxımından da əlverişlidir. Ailənin balaca sakinlərini "kenquru"larda gəzdirən valideynlər ondan düzgün istifadə qaydalarına əməl etməlidirlər. Kəmərlərin möhkəm bağlandığına, balacaların rahat şəkildə yerləşdiyinə əmin olandan sonra onların yola çıxmaları tövsiyə edilir.

Milli.Az bildirir ki, həkim-pediatr Hafizə Məmmədova AZƏRTAC-a deyib: "Kenquru"da uşaqların başlanğıcdan gün ərzində iki dəfə 10-15 dəqiqədən artıq qalması məsləhət deyil. Altı ayından etibarən isə onları yarım saata qədər saxlamaq mümkündür. "Kenquru"da olan balacaların onurğa sütununa yük düşməməsi üçün onların vəziyyətlərini tez-tez dəyişmək lazımdır. Artıq uşaq oturmağa başladıqda "kenquru"da daha çox saxlamaq olar, amma bu zaman yük onu saxlayan valideynin belinə düşəcək. "Kenquru" çəkisi 15 kiloqrama qədər olan balacaların gəzdirilməsi üçün nəzərdə tutulub".

Milli.Az

loading...

Şərh yaz:

1 Şərh:

  • Anonim
    Dilber · 11 Sentyabr 23:3920

    Her gun seher 8 ayliq qizimi qucagima alib baci qardawini baxcaya qoyub gedib 2 saat o qucagimda gezirem zovq aliram kenqurum falan yox bir ovladimi tutacaq elim varsa kenquruya ehtiyac yox

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.