Maraqlı

Mark Karni rezerv valyuta kimi dollardan imtina etməyi təklif edib

25 Avqust 2019 07:56

0 Şərh Baxış: 852

VTB-də minimal faiz dərəcəsi ilə nağd kredit 9.9%-dən

#DÜNYADA #İNGİLTƏRƏ

İngiltərə Bankının sədri Mark Karni rezerv valyuta kimi dollardan imtina etməyi təklif edib. Milli.Az AZƏRTAC-a istinadən bildirir ki, ölkənin baş bankiri bununla bağlı deyib: "Dünyanın rezerv valyuta kimi dollardan asılılığı yüksək risklər yaradır və yeni - alternativ rəqəmsal valyuta seçməyin vaxtıdır".

"Çoxqütblü dünyaya çoxqütblü valyuta lazımdır" deyən Karni əlavə edib ki, dünyada müəyyən edilən əmtəə səbəti əsasında tənzimlənəcək elektron valyuta bir sıra ölkələrin sıfır və ya mənfi faiz dərəcələrini dəstəklədiyi, eyni zamanda, xüsusən ABŞ-ın müsbət faizlərə keçdiyi pul-maliyyə sistemini tarazlayacaq.

İngiltərə Bankının sədri əlavə edib ki, ticarət müharibələri bütün dünyada sahibkarlara ciddi problemlər yaradır. Onun sözlərinə görə, avtomobil sənayesi, polad və texnologiyaların tədarükü üzrə zəncirin halqasının qopması bu müharibədə iştirak edən dövlətlərə də böyük zərbə vurur.

Mark Karninin bu bəyanatından sonra iqtisadçılar ABŞ-ın Federal Rezerv Fondunun müvafiq reaksiyasını gözləyirlər.

Milli.Az