Maraqlı

Hətta nəsihət verən zaman belə, həddi aşmayın

24 Avqust 2019 21:50

1 Şərh Baxış: 1 233

VTB-də minimal faiz dərəcəsi ilə nağd kredit 9.9%-dən

#DİN

İmam Səccad (ə) buyurur: "Çoxlu nəsihət bədbinliyə və töhmətə səbəb olar". (Həvzəh)

Nəsihətin başqa forması - insanın özünün ibrət götürməsidir.

İbrət götürmək barədə mübarək dinimizin buyuruşlarına diqqət edək.

İmam Əli (ə) buyurub: "Daim ibrət götürmək qəlbin bəsirətinə gətirib çıxarar və günahlardan, xətalardan çəkinməklə nəticələnər".

İmam Səccad (ə): "Zavallı insan! Hər gün başına üç müsibət gələr, amma heç birindən də ibrət götürməz. Əgər ibrət götürsəydi, dünyanın çətinlikləri və işləri ona asan gələrdi. Birinci müsibət - onun ömründən azalan bir gündür. Onun malından bir şey azalarsa, qəmli olar. Halbuki, malın varisi var, ancaq ömürdən itirilənlərin yerini doldurmaq mümkün deyil.

İkinci müsibət budur ki, öz ruzisini tam şəkildə əldə edir. Əgər halal yolla olsa, hesab-kitabını verəcək, haram yolla olsa, cəzasını çəkəcək.

Üçüncü müsibət bunlardan böyükdür". Ərz etdilər: "O nədir?" Buyurdu: "Keçirdiyi elə bir gecə-gündüz yoxdur ki, axirətə bir mənzil daha yaxınlaşmasın. Amma bilmir cənnətə tərəf, ya cəhənnəmə?".

İmam Əli (ə) buyurub: "İbrət götürmək insanı (günahdan və xətadan) qoruyar".

İmam Əli (ə) buyurub: "Kimin ibrət götürmək qabiliyyəti çox olsa, büdrəyişləri az olar".

Milli.Az