Maraqlı

Ölənlərimiz üçün oxunması faydalı olan surələr

23 İyul 2019 23:45
2 Şərh     Baxış: 2 330

Bir müsəlman ölən zaman ona qüsl verilib kəfənlənməsi və basdırılması başqaları üçün vacib olar. Ancaq bəzi əməllər vardır ki, onları yerinə yetirmək ölü üçün müstəhəbdir: sədəqə vermək, dua etmək və Quran oxumaq kimi. (Tebyan)

Milli.Az deyerler.org-a istinadən bildirir ki, Həzrət Peyğəmbər (s) buyurur: "Qəbirlərdə yatan ölülərinizi yaddan çıxartmayın. Ölüləriniz sizdən ehsan ümidindədir. Ölüləriniz məhbusdur və sizin yaxşı işlərinizə rəğbət bəsləyirlər. Onlar bir işi görmək qüdrətinə malik deyildirlər. Siz onlara sədəqə və duanı hədiyyə edin".

İmam Sadiq (ə) buyurur: "Ölən insan ona görə istənilən bağışlanmaya görə sevinər. Necə ki, diri ona verilən hədiyyəyə görə sevinər".

İmam Rza (ə) buyurur: "Hər kim möminin qəbrini ziyarət edər, onun yanında yeddi dəfə "Qədr" surəsini oxusa, Allah onu qəbir sahibi ilə bir yerdə bağışlayar".

Beləliklə deyə bilərik ki, qəbir əhlinin bizim dualarımıza və qiraətimizə ehtiyacı vardır. İmam Sadiq (ə) buyurur: "Necə ki, dirilər hədiyyə ilə şad olarlar, qəbir əhli və bərzəxlilər də onlara görə edilən istiğfara görə sevinərlər".

Hədislər buyurur ki, insan can verən zaman bu surələri oxumaq fəzilətlidir: "Yasin", "Saffat", "Əhzab", "Ayətül-kürsü", "Əraf" surəsinin 54-cü ayəsini, "Bəqərə" surəsinin son üç ayəsini.

İmam Sadiq (ə) buyurur: "Meyitin qəbrinin başında "Mülk" surəsi oxunsun ki, qəbir əzabının dəf olmasına səbəb olsun".

Ölənlər üçün oxunması faydalı olan surələr: ""Fatihə" , "Yasin", "Saffat", "Mülk", "Əhzab", "Ayətül-kürsü", yeddi dəfə "Qədr" surəsi. Bu surələri oxuyub savabını ölənlərə hədiyyə etmək olar.

Milli.Az

loading...

Şərh yaz:

2 Şərh:

  • Anonim
    ALEKS❤ · 23 İyul 23:5891

    Allah ölənlərimizə rəhmət eləsin bu axşamda.rəhmət tək ölülər üçün deyil.dirilər üçün də rəhmət diləmək lazımdı.əfsuslar olsunki bəzi diri yoldaşlara Allah sənə rəhmət eləsin deyəndə acığı gəlir.əslində o da cavabı rəhmətlə qaytarmalıdı:yəni Allah sənə də rəhmət eləsin.Rəhmət sözünün mənası rəhm etmək,günahları bağışlamaq deməkdir.bundan gözəl dua olarmı?məqalə çox xoşuma gəldi.əllərinizə sağlıq.

    Cavab yaz
  • Anonim
    günahkar bəndə · 24 İyul 15:4610

    QOY UCA ALLAH BİZİ ƏDALƏTİ İLƏ YOX RƏHMƏTİ İLƏ SORQU ELƏSİN AMİN

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.