Maraqlı

Ölən adət-ənənələr – SOSİOLOQ YANAŞMASI

21 İyul 2019 23:15
3 Şərh     Baxış: 1 585

Azərbaycan xalqının adət-ənənələri içərisində toy, yas mərasimlərin keçirilməsi xüsusi yer tutur. İnsanları bir araya gətirən və bir-birinə zidd olan bu iki məclisə son zamanlar yanaşma, münasibət  xeyli dəyişib.

Yasda deyib-gülən, toyda kefsiz, bikef oturanları müşahidə etmək kifayətdir ki, yuxarıda yazdığımızın şahidi olasan. İş o yerə çatıb ki, hətta yas yerində ölü ilə selfi çəkdirib, sosial şəbəkələrdə paylaşırlar. İnsanları bu qədər dəyişən nədir? Hislərin ölməsi, yoxsa başqa problemlər?

Milli.Az gencaile.az-a istinadən bildirir ki, mövzu ilə bağlı danışan sosioloq Əhməd Qəşəmoğlu deyir ki, əvvələr toy olanda hamı sevinirdi, indi belə deyil:

"Əvvəllər toy insanları ağır iqtisadi çətinliklərlə üz-üzə qoymurdu. Hər kəs öz büdcəsinə uyğun süfrə açırdı. Çox az miqdarda pulla toyu yola vermək mümkün idi. Ən gözəl tərəfi də o idi ki, toy sahibləri düşünmürdü ki, qonaqlar bu toya nə qədər pul verəcək. Hamı yığışıb, şənlənirdi, sonda yaxın adamlar gəlinə yaylıq, bəzək əşyası bağışlayırdı. İndi elə olur ki, bir ayda 6-7 toya dəvət alırsan. Elə o toyun dəvətnaməsi gələndə insanı kədər basır. Çünki indi orta əməkhaqqı 300 manatdırsa, gərək nəsə başqa işlərlə məşğul olasan ki, toya pul yazdıra biləsən. Toya gələnədək pul məsələsi adamı elə yorur ki, artıq çənlik mərasimində insanda  mənfi ovqat yaranır.

Mərasimdə ifa olunan musiqilər də ortayaşlı və yaşlı nəslin demək olar ki, zövqü ilə üst-üstə düşmür.  Belə olan halda adamlar məcburən oturduqları bir ortamdan, qəlbən sevinmədikləri  bir yerdən razı qala, əylənə bilməzlər".

Yas mərasimlərindəki vəziyyətə toxunan sosioloq bildirir ki, doğrudan da son vaxtlar kişilər yas çadırını az qala zarafat məkanına çeviriblər:

"Kişilərlə yasda eyni ortamda olduğumdan bu halı müşahidə edirəm.  Mərasim zamanı kimisi zarafat edir, kimisi  gələnlərdən birini lağ-lağaya qoyur. Buna da səbəb odur ki, insanlar arasında münasibətlər köklü dərəcədə dəyişib.  Əvvəllər münasibətləri tənzimləyən aparacı xüsusiyyət mənəvi dəyərlər idi. İndi mənəvi dəyərlər arxa plana keçib".

Sosioloqun sözlərinə görə, televiyazalardakı qeyri-ciddi, "şit" verlişlər insanların xarakterinə çox təsir edib:

"Bütün günü televiziyada yüngül xarakterli verlişlər yayımlanır. Bu da bilavasitə insanların əhval və xarakterinə çox ciddi təsir edir. Şou xatirinə  qeyri-ciddi, yüngül xarakterli insanları efirə çıxarmaq və məqsəd kimi yalnız güldürən verlişlərin olması cəmiyyətə əhəmiyyətli dərəcədə təsir edir.

İnsanların yasa, toya qarşı münasibətləri cılızlaşır hər şeyi adi qəbul edirlər. Ümumilikdə insanın  davranışına olduğu mühit, aldığı informasiyalar, üstünlük verdiyi dəyərlər mühüm təsir edir. Toy və yasda özünü aparmaq birinci növbədə insanın psixologiyasından, xarakterindən aslıdır. Mühit olaraq da görür ki, ətrafındakılar toy-yas mərasiminə adi yanaşır ki, onda da bu cür münasibət yaranır".

Milli.Az

loading...

Şərh yaz:

3 Şərh:

  • Anonim
    Prince of Persia · 21 İyul 23:2692

    100 il qabaq adetler tebii görüne bilerdi-zeruri müdafie idi. İndi ise onlar insana, insan tebietine qarşı süni buxovdur, yükdür..... Süni olan her şey mehve mehkumdur........

    Cavab yaz
  • Anonim
    asi · 21 İyul 23:5750

    Mənə görə əvvəlki qayda-qanun daha yaxşı idi..Əvvəllər insanlar ürəkdən sevinib ürəkdən kədərlənərdi..Indi süniləşib hər şey..Bizim toy, yas xərcləri insanları yaşamaq yox, sürünməyə vadar edir..Təpədən dırnağa pulla olur hər şey..Bizim ən axırıncı dəfə toya getməyimiz-300 m toy pulu, 70m gözəllik s, 155 m paltar, 55 m ayaqqabı, çanta yadımda deyil, 200m kişi geyimi, +uşaqların toy geyimi, şəkil pulu filan..Hardasa 800 m pul xərclədik bir toya getmək üçün..(Qiymət yazmağım səhv anlaşılmasın), bilirəmki hamının toy vaxtı qarşılaşdığı problemdi deyə yazdım)..Hansı ki, o pulla elə öz rayonlarımızın birində gedib ailəvi istirahət edə bilərdik neçə gün..Fikirləşən olar ki, paltar filan hamısı özünə qalır, geyinirsən..Amma məsələn mənə lazım olan deyildi, toy olmasa lazımım deyildi..Gör Bakıda yaşayan yazıq millət neyləsin, biz hələ ildə 1 dəfə toya gedək ya yox..

    Cavab yaz
  • Anonim
    yerli · 22 İyul 13:3510

    bu toy yas anlayisi bu seviyyede yalniz demek olar ki bizlerdedi.israfciliq debdebe san sohret bizlerik bu uc anlayisin arxasi ile qacan.ozumuzu borca kredite salan.

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.