Maraqlı

Google Fuchsia adlı yeni əməliyyat sistemindən danışdı

16 May 2019 22:10

0 Şərh Baxış: 905

VTB-də minimal faiz dərəcəsi ilə nağd kredit 9.9%-dən

#TEXNOLOGİYA

Tərtibatçılar üçün keçirilmiş Google I/O 2019 konfransı çərçivəsində Android və Chrome OS əməliyyat sistemləri şöbəsinin rəhbəri Hiroshi Lockheimer jurnalistlərlə danışmış və həmin danışıqlar zamanı şirkətin Fuchsia adlı yeni əməliyyat sistemi barəsində məlumatlar vermişdir. Bu barədə The Verge saytına istinadən Gagadget saytı xəbər verib. Google şirkətinin yeni əməliyyat sistemi üzərində çalışması barəsində məlumatlar müəyyən vaxtlarda ortaya çıxırdı. Lakin buna baxmayaraq şirkət bu barədə heç bir rəsmi məlumat vermirdi.

Milli.Az technote.az-a istinadən bildirir ki, sözügedən layihə barəsində olan yeganə məlumat ondan ibarətdir ki, Fuchsia açıq kod mənbəlidir və Android-in Linux nüvəsi əsasında çalışmasından fərqli olaraq Fuchsia əməliyyat sistemi şirkətin özünün hazırladığı Zircon adlı nüvəsi əsasında çalışır. Jurnalistlərlə danışıqlar zamanı Hiroshi Lockheimer bildirib ki, bu, təcrübi əməliyyat sistemidir və o, Android ilə Chrome OS əməliyyat sistemlərini əvəzləmək niyyəti ilə hazırlanmır. Yeni əməliyyat sistemi sadəcə olaraq digər formatda olan cihazlar ilə çalışmaq üçün nəzərdə tutulur.

"Biz bilirik ki, bir çoxlarını narahat edən fakt ondan ibarətdir ki, bu, yeni Chrome OS ilə Android olacaq. Lakin Fuchsia bu məqsədlə yaradılmır. Fuchsia adlı təcrübi əməliyyat sistemi ağıllı ev cihazları, daşınıla bilən cihazlar və hətta artırılmış və virtual reallıq cihazları ilə çalışmaq məqsədi ilə yaradılır. Hal hazırda Android əməliyyat sistemi smartfonlarda, tətbiqlər isə Chrome OS əməliyyat sistemli cihazlarda yaxşı çalışırlar. Fuchsia isə digər formatlı cihazlar üçün optimizasiya edilə bilər" - deyə Hiroshi Lockheimer bildirib.

Milli.Az

Milli.Az - Xəbər Portalı

Google Fuchsia adlı yeni əməliyyat sistemindən danışdı

DİGƏR XƏBƏRLƏR

XƏBƏR LENTİ

TOP VIDEO

SORĞU

2026-cı ildən gözləntiləriniz nələrdir?