Maraqlı

Neapol mafiyasından bəhs edən filmin çəkiliş qrupunun mühafizəsi gücləndirilib

13 Fevral 2019 21:56
0 Şərh     Baxış: 814
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Berlin kinofestivalının təşkilatçıları Neapol mafiyası barədə çəkilmiş "Neapol piraniləri" filminin premyerası zamanı təhlükəsizlik tədbirlərini gücləndiriblər.

Milli.Az AZƏRTAC-a istinadən bildirir ki, görülən tədbirlər çərçivəsində çəkiliş qrupunun mətbuat konfransında mühafizəçilərin sayı artırılıb, festivala aparan yol boyu isə bir neçə əlavə polis avtomobili növbə çəkir.

Təhlükəsizlik tədbirləri mafiyanın filmin ssenari müəllifi, yazıçı və jurnalist Roberto Savyano barəsində ölüm hökmü çıxarması ilə bağlıdır. Savyano İtaliya Daxili İşlər Nazirliyi tərəfindən mühafizə altına alınıb.

Françesko Di Napoli, Artyom Tkaçuk, Vivivana Aprea, Paskuale Marotta və başqalarının rol aldığı "Neapol piraniləri" filmində neopolitan yeniyetmələrinin cinayətkar aləmin kralları olmaq üçün cəmiyyətin aşağı qatlarından özlərinə yol açmalarından bəhs edilir.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.