Maraqlı

Google-da "zəlzələ": minlərlə işçi etiraz edir - FOTO

2 Noyabr 2018 13:15

2 Şərh Baxış: 3 528

VTB-də minimal faiz dərəcəsi ilə nağd kredit 9.9%-dən

#GOOGLE INC

Dünyanın ən böyük İT şirkəti olan Google korporasiyasının dünyanın ən müxtəlif ölkələrindəki ofislərinin əməkdaşları dünən kütləvi etiraz aksiysı keçiriblər.

Çalışdıqları ofislərin qarşısına toplaşan əməkdaşlar iş yerində seksual təzyiqlərə, qısnamalara, gender bərabərsizliyinə və irqçiliyə etirazlarını bildiriblər.

Aksiyalar Google-un Yaponiya ofisində başlayıb, sonra Sinqapur, Sürix, Dublin, Berlin, Xayfa və Nyu-Yorkda davam edib.

Aksiya keçirən Google əməkdaşlarının dediklərinə görə, korporasiyada insan haqlarının pozulması ilə bağlı çoxsaylı faktlar var.

Londonda isə əməkdaşlar ofisin baş auditoriyasına da yığışmışdılar. Onlar Google-da haqlarının pozulduğunu, korporativ mədəniyyətə riayət olunmadığını deyiblər.

Onlar əmək müqaviləsinin dəyişdirilməsini tələb edirlər.

Digər tələblər belədir:

1. Seksual qısnama və təzyiq faktı olarsa, məhkəməyə şikayətə qoyulmuş yasaq ləğv olunsun

2. Əməkhaqqı ədalətlə verilsin, bərabər imkanlar yaradılsın

3. Şirkətdə əməkdaşların cinsi zəmində təzyiqlərə məruz qalması faktlarının əks olunduğu hesabat hazırlansın və açıqlansın

4. Şirkət əməkdaşlarının hüquqlarının müdafiəsi üzrə direktor postu təsis olsun və bu vəzifəyə təyinat alacaq şəxs Google-un direktorlar şurasına üzv seçilsin

Google-da rəhbərlərin əməkdaşlara qarşı əxlaqsız davranışı barədə The New York Times yazmışdı.

Google X-ın direktoru Riçard DeVaul, şirkətin baş vitse-prezidenti Amit Sinqhal və Android əməliyyat sistemini yaradıcısı Endi Rubinin qadın əməkdaşlara qarşı tərbiyəsizlik etdikləri, onları cinsi əlaqəyə vadar etdikləri bəlli olmuşdu.

Sinqhal və Rubin işdən çıxarılsalar da, onlara on milyonlarla dollar "təzminat" ödənib. DeVaul isə hələ də korporasiyada çalışır.

Milli.Az