Maraqlı

Tam fərqli Jaguar F-Type - FOTO

9 May 2015 20:15

0 Şərh Baxış: 1 355

#AVTO #JAGUAR

Jaguar F-Type çox az avtomobillərdəndir ki, istənilən komplektasiyada xarici görkəminin mükəmməlliyini demək olar ki, bütün avtomobil sahibləri etiraf edir. Kuzovunun kupe və ya kabriolet olmasından asılı olmayaraq F-Type hər yerdə diqqəti özünə çəkməyi bacarır. Məhz bu səbəbdəndir ki, ingilis sportkarı xarici dəyişikliyə çox az hallarda məruz qalır. Baxmayaraq ki, bəzi avtoemeletxanalar, məsələn Piecha Design kimi, Jaguar modelini daha cəlbedici etməyə müvəffəq olurlar.

Milli.Az 4charx.com-a istinadən bildirir ki, yeni tökmə disklər və aerodinamik komplekt quraşdırmaqla Piecha Design mütəxəssisləri F-Type modelini əsl sərgi eksponatına çeviriblər. İlk olaraq diqqəti splitterin yeni dizaynı ilə avtomobilin aqressiv görkəmini artıran yeni bamper çəkir. Köhnə təkər tağlarını isə yeni, daha geniş tağlar əvəz edib.

Aerodinamik komplekti yeni arxa bamper və daha aqressiv diffuzor tamamlayır. Daha qısa asqı yayları ilə 20 düymlük yeni disklər sayəsində F-Type daha çox "yerə oturub" və daha ötkəm görünür.

Milli.Az

Böyütmək üçün şəkillərə klikləyin.