Maraqlı

Mercedes G-Class daha sərt oldu - FOTO

9 May 2015 23:47

0 Şərh Baxış: 2 816

VTB-də minimal faiz dərəcəsi ilə nağd kredit 9.9%-dən

#AVTO #DAİMLER AG

"Mercedes-Benz" şirkəti yenilənmiş "G-class" yolsuzluq avtomobilinin sirrini rəsmən acıqladı. Avtomobil bir sıra texniki təkmilləşmələr və eksklüziv verisya əldə etdi.

Milli.Az auto.az-a istinadən bildirir ki, "Qelendvagenin" xarici görünüşünün restaylinqi minimaldır və özünə yalnız yeni bamperlər, fərqli təkər yarımhalqaları və yeni təkər diskləri daxil edir. Buna baxmayaraq, əsas dəyişikliklər "G-class"-ın kapotunun altnda baş verib.

Əvvəla, avtomobil 4,0 litrlik V8 bi-turbo mühərriki əldə edib. Bu mühərrik həmçinin "AMG GT"-yə də quraşdırılır. Aqreqat 422 a.g. və 610 Nm fırlanma anı verə bilər ki, bu da yolsuzluq avtomobilinə ölçülərinə baxmadan ilk "yüzü" 5,9 saniyəyə yığmağa imkan verir.

Bundan başqa, "G350d" versiyasının gücü 211-dən 245 a.g.-dək, fırlanma anı isə 540-dan 600 Nm-dək artıb. Bu modifikasiyanın 0-dan 100 km/saata sürətlənmə vaxtı artıq 8,9 saniyə təşkil edir.

"AMG" modifikasiyalı "Qelendvagenlər"-in də sürəti artıb. "Mercedes-Benz G 63 AMG" artıq 571 a.g. verir ki, bu da əvvəlkindən 27 a.g. çoxdur. "G 65 AMG" versiyası 18 a.g. əlavə edib və artıq 630 a.g. verə bilir.

Bundan başqa, "Qelendvagen" sırasına yeni xüsusi versiya "AMG Edition 463" əlavə edilib. Bu avtomobil xüsusi ikirəngli interyer, salonda karbon qoymalar və Nappa dərisindən istifadə ilə fərqlənir.

Yolsuzluq avtomobili bamperin altında paslanmayan poladdan sipər, ban boyunca xüsusi zolaqlar və 21 düymlük lehimli disklər də əldə edib.

Yenilənmiş "Mercedes-Benz G-class" üçün sifarişlər 2015-ci ilin yayında başlanacaq.

Milli.Az

Böyütmək üçün şəkillərə klikləyin.