Maraqlı

Xüsusi Infiniti Q70L - VİDEO -FOTO

25 Aprel 2015 20:15

0 Şərh Baxış: 1 613

VTB-də minimal faiz dərəcəsi ilə nağd kredit 9.9%-dən

#AVTO #INFİNİTİ NİSSAN

Infiniti şirkəti Şanxay avtosalonunda Q70L uzunbaza sedanın Bespoke Edition adlı yeni xüsusi versiyasını təqdim edib.

Milli.Az 4charx.com-a istinadən bildirir ki, Infiniti Q70L Bespoke Edition versiyasının standart modeldən əsas fərqi avtomobilin salonunun xüsusi şəkildə işlənməsidir. Sedanın dörd ədəd kürsü-çalovları Ultrasuede kolleksiyasından ən yumşaq üzlük materialı və xüsusi teksturlu dəri ilə işlənib.

Qapıların, oturacaqların və tavanın da üzlənməsində elə həmin dəridən istifadə edilib. Qeyd edək ki, tikişlər əl ilə yerinə yetirilib. Sükanın, əlcək qutusunun, qapı taxmalarının və dirsəkaltıların da üzlənməsində istifadə edilən dəri əl ilə tikilib. Cihaz lövhəsinin ağac materialı ilə işlənməsini isə salonda təribatın final akkordu hesab etmək olar.

Xüsusi versiya Q70L Bespoke Edition xüsusi Arctic Aluminum rəngindədir. İlk dəfə bu rəng sxemindən Q60 modelində istifadə edilib. Texniki cəhətdən Bespoke Edition versiyası Q70L standart modeldən fərqlənmir. Xatırladaq ki, avtomobil 330 at güclü 3,7 litrlik, 420 at güclü 5,6 litrlik və 360 at güclü hibrid güc qurğusu ilə təchiz edilir.

Infiniti şirkəti hələlik Q70L Bespoke Edition versiyasının satışa nə zaman çıxacağını açıqlamayıb.

Milli.Az

Böyütmək üçün şəkillərə klikləyin.