Maraqlı

Bu da lazer faralı Audi - FOTO

10 May 2014 22:20

0 Şərh Baxış: 2 121

VTB-də minimal faiz dərəcəsi ilə nağd kredit 9.9%-dən

#AVTO #AUDI AG #BAYERİSCHE MOTORENWERKE AG BMW #COMMERZBANK AG

Göründüyü kimi Audi şirkəti lazer faraları ilə təchiz edilmiş seriya avtomobili buraxmaq yarışında BMW-ni qabaqlayır. Belə ki, avtoistehsalçı İnqolştatda məhz belə optik qurğu ilə təchiz edilmiş R8 LMX superkarını artıq təqdim etdi.

Milli.Az 4charx.com-a istinadən bildirir ki, Audi R8 LMX dünyada lazer faraları ilə təchiz edilən ilk seriya avtomobilidir. Saatda 60 km sürət zamanı aktivləşən fənərlər "avtomobilin qarşısındakı ərazinin görünməsini və təhlükəsizliyi" əhəmiyyətli dərəcədə artırır. Bundan başqa, avtomobil kamera əsasında sensor sistemə sahibdir. Bu sistem qarşıdan gələn avtomobillərin aşkar edilməsinə və buna uyğun olaraq faraların işıq selinin tənzimlənməsinə cavabdehdir.

Lazer texnologiyası ilə yanaşı, Audi R8 LMX göy rəngli (Ara Blue) eksteryerə və karbon yan qanadlara və bərkidilmiş arxa antiqanada sahibdir. Həmçinin qara parlaq qaz xaricetmə borularını, karbon-keramik əyləc disklərini və 19 düymlük yüngül lehimli eksklüziv təkər disklərini də qeyd etmək olar.

Avtomobil dəri kürsülər, mavi tikişli alkantara çəkilmiş tavan və həmçinin donuq karbon tərtibatla təklif edilir.

Avtomobilin kapotu altında 570 a.g. və 540 Nm fırlanma anı hasil edən 5,2 litrlik V10 mühərrik durur. O 7 pilləli S tronic ötürücü qutu və Quattro tam ötürmə sistemi ilə birgə çalışır. Bu transmissiya idman kupesinə 3,4 saniyə ərzində100 km/saat sürətlənməyə və 320 km/saat maksimal sürət yığmağa imkan verir.

Audi R8 LMX artıq sifariş edilə bilər. Cəmi 99 ədəd buraxılacaq superkarın qiyməti Almaniyada 210 000 avrodan başlayır. İlk çatdırılma bu ilin yayında nəzərdə tutulub.

Milli.Az

Böyütmək üçün şəkillərə klikləyin.