Maraqlı

Günəşdən qidalanıb dünyanı dolanacaq - FOTO

10 Aprel 2014 10:22

0 Şərh Baxış: 1 317

VTB-də yüksək depozit faizleri daha çox qazandırır

#FOTOREPORTAJLAR #FOTOSESSİYA #MARAQLI #BERTRAN JSC

İsveçrənin Payern şəhərindəki hərbi-hava bazasında Günəş enerjisi ilə işləyən mühərriklərə malik "Solar İmpulse 2" təyyarəsinin təqdimat mərasimi keçirilib.

"Solvey" və "Google" korporasiyalarının birgə layihəsi olan bu təyyarə qanadlarında yerləşdirilmiş Günəş batareyalarının sayəsində sutkaboyu, fasiləsiz olaraq uça bilər.

Təyyarənin səmada qala biləcəyi maksimal müddət hələ bəlli deyil.

Milli.Az ABC-yə istinadən bildirir ki, layihənin rəhbərləri Bertran Pikkar və Andre Borşberqin dediklərinə görə, "Solar İmpulse 2"nin qanadlarının ümumi uzunluğu 72 metrdir. Bu isə "Boeing 747" təyyarəsinin qanadlarından da uzundur.

Günəş enerjisi ilə çalışan 7 min batareya ilə təchiz edilmiş təyyarənin ağırlığı 2300 kiloqramdır.

"Pilot səmada fasiləsiz olaraq ən azı 5-6 gün qala bilər. Təyyarədə avtopilot, müvafiq naviqasiya avadanlığı, akkumulyatorlar, elektrik mühərrikləri, ayaqyolu var. Pilot uzanmaq, fiziki təmrinlərlə məşğul olmaq, istirahət etmək imkanlarına malikdir", - Bertran Pikar deyib.

Əvvəlki modeldən fərqli olaraq "Solar İmpulse 2" bir pilot üçün hesablandığından Pikar və Borşberq növbə ilə uçacaqlar.

Onların dediklərinə görə, gələn il bu təyyarə ilə dünyanı dövrə vuracaqlar.

2015-ci ilin martında səyahət çıxacaq "Solar İmpulse 2" Fars Körfəzində səmaya qalxacaq, Hindistan, Birma, Çin, Sakit Okean, ABŞ, Atlantik okeanı, Cənubi Avropa və Şimali Afrika üzərindən uçaraq yenidən aerodroma dönəcək.

Milli.Az

Böyütmək üçün şəkillərə klikləyin.