Maraqlı

Dodge SRT Viper: məhdud sayda - FOTO

27 Noyabr 2013 23:13

1 Şərh Baxış: 1 384

#AVTO #DODGE COMPANY

2014-cü model ilinin SRT Viper TA sportkupesi 159 nüsxədə məhdudlaşdırılmış seriyayla buraxılacaq. Sportkar 118 min dollar qiymətlə ən yaxın həftələrdə satışa daxil olacaq.

Milli.Az 4charx.com-a istinadən bildirir ki, TA məhdudlaşdırılmış seriyadan olan sportkarların əsas fərqi onların xüsusi yarış hazırlığıdır ki, bu da onlara həm adi, həm də yarış treklərində hərəkət etməyə imkan verir.

Dodge SRT Viper 2014 TA müasir tələblərə uyğun idmansayağı qurmalarla Bilstein DampTronic asması əldə edib. Bundan başqa, sportkarda daha mükəmməl Brembo əyləcləri qurulub və avtomobilin konstruksiyasının bəzi metal elementləri karbon analoqlarla əvəz edilib.

Zahirən xüsusi seriya sportkupesi yüksək sürətlərdə böyük sıxma gücü (saatda 240 kilometr sürət zamanı 700%-ə qədər) törədən Advanced Aerodynamics Package agrodinamik asmasıyla fərqlənir.

Sportkarın kapotu altında 640 a.g. və 813 Nm fırlanma anı hasil edən 8,4 litrlik əfsanəvi V10 quraşdırılıb. Məhdud seriyanın 159 sportkarından 99 ədədi parlaq narıncı rəngdə olacaq. Qalan SRT Viper TA avtomobilləri isə hər birindən bərabər sayda olmaqla qara və ağ rəngdə buraxılacaq.

Milli.Az

Böyütmək üçün şəkillərə klikləyin.