Maraqlı

Yeni Jaguar XF - FOTO

5 Aprel 2015 23:30

0 Şərh Baxış: 1 938

#AVTO #JAGUAR

Yeniliyin ilk debütü Nyu-York avtosalonunda aprelin 1-də oldu, lakin artıq model haqqında demək olar ki, hər şey məlumdur.

Milli.Az auto.az-a istinadən bildirir ki, "Jaguar XF"-in xarici görünüşündə inqilab olmayıb - avtomobil daha çox ötən il Paris avtosalonunda təqdim edilmiş, ölçüləri böyük olan "Jaguar XE"-ni xatırladır.

Lakin "XF" ilə müqayisədə sedan 7 mm qısa, 3 mm alçaq, ancaq təkər bazası 51 mm artaraq 2960 mm olub. Yeni "Jaguar XF" 2,0-litrlik dizel "Ingenium" mühərriki ilə təchiz ediləcək (163 a.g. (380 Nm) və 180 a.g. (430 Nm)).

Bundan əlavə, alıcı 300 a.g. və 700 Nm fırlanma anı verən 3,0-litrlik tvin-turbo V6 və ya 380 a.g. və 450 Nm fırlanma anı verən mexaniki yükləyicili 3,0-litrlik V6 mühərriki sifariş edə bilər.

Bütün mühərriklər 8-pilləli avtomat sürət qutusu ilə birgə işləyir, lakin 2,0-litrlik mühərrik 6-pilləli "mexanika" da ala bilər. "Jaguar XF"-in interyerində 10,2 düymlük sensorlu ekranı olan "InControl Touch Pro" multimedia sistemi də diqqət cəlb edir. Cihazlar panelində də 12,3 düymlük ekran var.

Yeni "Jaguar XF" 2015-ci ilin sonunda satışa çıxarılacaq. Şirkət qiymət barədə bir qədər sonra məlumat verəcək.

Milli.Az

Böyütmək üçün şəkillərə klikləyin.