Otel otağına qədər qoyan kimi ilk işiniz bu olsun

Otel otaqlarına kart və ya açarla daxil olunduğu üçün otağın içində olarkən qapını kilidləyib özünüzü tam təhlükəsizlikdə hiss edə bilərsiniz. Lakin bu vəziyyətlə bağlı bəzi istisnalar mövcuddur. Otellərdəki təhlükəsizlik problemlərinə qarşı mütəxəssislər otağa girən kimi bu sadə, lakin olduqca effektiv üsulu tətbiq etməyi məsləhət görürlər.

Milli.Az xəbər verir ki, xüsusilə tək səyahət edənlərin, ezamiyyətə çıxanların və ya yeni bir şəhərə ilk dəfə gedənlərin otel otağına yerləşərkən ağlından həmişə eyni sual keçir: "Görəsən, bu otaqda həqiqətən təhlükəsizlikdəyəm?"

Son dövrlərdə sosial şəbəkələrdə baxış rekordu qıran və milyonlarla səyyahın həyatını asanlaşdıran bir üsul mütəxəssislər tərəfindən də bəyənilir. Otel otağına daxil olan kimi hamam otağından bir şüşə stəkan götürüb qapının dəstəyinə yerləşdirməkdən ibarət olan bu fənd, sıfır xərclə otağınızı yüksək texnologiyalı bir siqnalizasiya sisteminə çevirir.

Standart kilidlər hər zaman kifayət etmir
Otel otaqlarındakı standart kilidlər, müasir kartlı sistemlər və ya qapının arxasındakı o incə təhlükəsizlik zəncirləri təəssüf ki, hər zaman mütləq qoruma təmin etmir. Rəqəmsal sistemlərin manipulyasiya edilə bilməsi, otel personalının səhvən otağınıza girməyə çalışması və ya bədniyyətli şəxslərin xüsusi aparatlarla təhlükəsizlik zəncirlərini xaricdən açması kimi ssenarilər səyahət sevənlərin ən böyük qorxularındandır.

Təhlükəsizlik mütəxəssisləri bildirirlər ki, kənardan nə qədər peşəkar müdaxilə olursa-olsun, qapını açmaq üçün qapı dəstəyinin fiziki olaraq aşağı hərəkət etdirilməsi mütləqdir. Məhz qapı dəstəyinə yerləşdirilən sadə su stəkanı bu fiziki hərəkəti tutan, sındırıla və ya kiberhücuma məruz qala bilməyən mükəmməl bir mexaniki siqnalizasiya funksiyasını yerinə yetirir.

Cəmi 10 saniyəyə qurulan sistem
Bu praktik və həyat qurtaran təhlükəsizlik sistemini otel otağınızda qurmaq cəmi on saniyənizi alacaq. Sizə lazım olan yeganə şey demək olar ki, hər otel otağında standart olaraq tapılan iki ədəd şüşə stəkandır.

Otaqdakı şüşə stəkanlardan birini götürün və qapının daxili tərəfindəki qapı dəstəyinin tam üzərinə, tarazlıqda duracaq şəkildə yerləşdirin.

İkinci şüşə stəkanı isə birinci stəkanın tam altına elə qoyun ki, qapı dəstəyi aşağı hərəkət etdikdə üstdəki stəkan birbaşa onun üzərinə düşsün.

Əgər otaqda ikinci stəkan yoxdursa, stəkanın düşəcəyi yerə metal bir mini çay sinisi zibil qabı və ya bir neçə qəpik pul qoya bilərsiniz. Məqsəd düşən stəkanın daha böyük səs-küy yaratmasıdır.

Həm bədniyyətli şəxsləri təşvişə salır, həm də sizi oyadır
Sistem qurulduqdan sonra otağınızda tam rahatlıqla uyuya bilərsiniz. Kimsə kənardan qapını açmaq məqsədilə qapı dəstəyinə toxunduğu an, dəstəyin üzərindəki stəkan milimetrlik bir sarsıntı ilə tarazlığını itirir. Böyük bir səs-küylə altdakı stəkanın üzərinə düşərək qırılır.

Bu metodun rəqəmsal sistemlərdən daha çox üstünlük təşkil etməsinin əsas səbəbləri bunlardır:

Şüşə qırılmasının çıxardığı kəskin səs və metal cingiltisi, ən dərin yuxuda olan insanı belə saniyənin mində biri dərəcəsində sürətlə oyatmaq tezliyinə malikdir.

Bu ani və yüksək səs-küy təkcə sizi oyandırmır; dəhlizdə səssizcə iş görməyə çalışan bədniyyətli şəxslərin təşvişə düşərək sürətlə oradan uzaqlaşmasını təmin edir.

Bu sistem tamamilə texnologiyadan müstəqil işləyir. Elektrik kəsilməsindən, otelin zəif Wi-Fi siqnalından və ya telefonunuzun batareyasının bitməsindən əsla təsirlənmir. Fizika qanunları var olduqca, bu "stəkan siqnalizasiyası" qüsursuz işləyir.

Lalə Qüdrətova
Milli.Az