Maraqlı

Marketdən düyü alanlara çağırış: Qiymət artımı dalğası gəlir

28 Aprel 2026 00:48
Baxış: 1 772
VTB-də minimal faiz dərəcəsi ilə nağd kredit 9.9%-dən
#MARAQLI #QİYMƏT

Yaxın Şərqdə artan gərginlik qlobal qida tədarükü zəncirində ciddi dalğalanmalara səbəb olur. Mütəxəssislər dünya əhalisinin əsas qida mənbələrindən biri olan düyü ilə bağlı həm qiymət artımı, həm də tədarük məhdudiyyətləri barədə istehlakçılara mühüm xəbərdarlıq edib.

Milli.Az xəbər verir ki, münaqişələrin logistika və istehsal xərclərinə birbaşa təsiri yaxın aylarda supermarket rəflərində özünü göstərə bilər.

Müharibə səbəbindən yanacaq və gübrə qiymətlərinin kəskin artması düyü istehsalını zəiflədir.

Asiyada milyonlarla kiçik fermer traktor və su nasoslarını işlətmək üçün lazım olan dizel yanacağını əldə etməkdə çətinlik çəkir.

Yüksək xərclər səbəbindən bir çox fermer gələn mövsüm əkin aparmamağı düşünür. Xüsusilə Cənub-Şərqi Asiya bu bahalaşmadan ən çox təsirlənən bölgədir.

Hürmüz boğazı kimi kritik dəniz yollarındakı ləngimələr təkcə düyü deyil, karbon qazı (CO2) istifadəsinə ehtiyac duyan toyuq və donuz əti sektorlarını da təhdid edir. Hazırda dünyada düyü ehtiyatları "nisbətən yüksək" olsa da, artan enerji xərclərinin yay aylarından etibarən qiymətlərə yansıyacağı proqnozlaşdırılır.

Lalə Qüdrətova
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.