Maraqlı

Bakıda yaponlar kirayə qaldığı evi görün necə təhvil verdilər - VİDEO

5 Aprel 2026 13:35

Baxış: 6 235

VTB-də minimal faiz dərəcəsi ilə nağd kredit 9.9%-dən

#MARAQLI #CƏMİYYƏT #VİDEO #KİRAYƏ #YAPONİYA #EV

Bakıda kirayədə yaşayan yapon vətəndaşların ev sahibinə mənzili təhvil vermə şəkli sosial şəbəkələrdə gündəm olub.

Milli.Az xəbər verir ki, paytaxtda bir müddət kirayədə qalan yaponlar evi boşaldarkən mənzili demək olar ki, "heç qalınmayıbmış" kimi təmiz vəziyyətdə təhvil veriblər. Görüntülərdə evin hər bir küncünün səliqə ilə yığıldığı, mətbəxdən tutmuş hamam otağınadək hər yerin ideal şəkildə təmizləndiyi diqqət çəkib.

Bu hal sosial mediada maraq doğurub və geniş müzakirələrə səbəb olub. İstifadəçilər yaponların bu davranışını yüksək qiymətləndirərək onların məsuliyyətli və intizamlı olmasını vurğulayıblar. Bir çoxları belə mədəniyyətin nümunə göstərilməli olduğunu qeyd edib.

Bəzi şərhlərdə isə bildirilib ki, bu cür yanaşma Yaponiya mədəniyyətində təmizlik və qaydaya verilən önəmin göstəricisidir. Digərləri isə bunun kirayə mədəniyyətində ideal davranış olduğunu yazıblar.

Qısa zamanda viral olan görüntülər izləyicilər tərəfindən böyük alqış toplayıb və "kirayə etikası" ilə bağlı yeni müzakirələrin yaranmasına səbəb olub.

Musa
Milli.Az