Maraqlı

Bu qan qrupu olanlarda xərçəng riski 3 dəfə yüksəkdir

13 Mart 2026 01:01
Baxış: 2 921
VTB-də minimal faiz dərəcəsi ilə nağd kredit 9.9%-dən
#SAĞLAMLIQ #XƏSTƏLİK

Alimlər qan qrupu ilə yoğun bağırsaq xərçəngi arasında diqqətçəkən əlaqə aşkar ediblər.

Milli.Az xəbər verir ki, araşdırmaya görə, müəyyən qan qrupu olan insanlarda xəstəliyə tutulma və onun daha aqressiv inkişaf etmə ehtimalı digərləri ilə müqayisədə xeyli yüksəkdir.

Məlumata görə, nəticələr Asia-Pacific Journal of Cancer Care jurnalında dərc olunan tədqiqatda ortaya qoyulub. Tədqiqat çərçivəsində minlərlə xəstə və sağlam qan donorunun məlumatları təhlil edilib.

Araşdırmanın nəticələri göstərib ki, AB qan qrupu olan insanlarda yoğun bağırsaq xərçənginə tutulma riski digər qan qrupları ilə müqayisədə daha yüksəkdir. Statistik nəticələrə görə, AB Rh+ qan qrupu olan şəxslərdə xəstəliyin yaranma ehtimalı ən aşağı riskli qrup hesab olunan B qan qrupu ilə müqayisədə 3,56 dəfə çoxdur.

Mütəxəssislər bildirirlər ki, bu qan qrupuna malik xəstələrdə şişlər daha sürətlə yayılmağa meylli olur. Belə hallarda xərçəng limfa düyünlərinə və digər orqanlara daha tez metastaz verə bilər və xəstəlik çox vaxt daha gec mərhələdə aşkar edilir.

Tədqiqatçılar bunu qan qrupu antigenlərinin yalnız qırmızı qan hüceyrələrində deyil, həm də həzm sisteminin səth hüceyrələrində mövcud olması ilə əlaqələndirirlər. Onların fikrincə, AB qan qrupunun hüceyrə xüsusiyyətləri xroniki iltihabı artıra və immun sisteminin şiş hüceyrələri ilə mübarizə qabiliyyətini zəiflədə bilər.

Fidan
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.