Maraqlı

Evinizdəki bu cihaz mikrofonu olmasa da sizi gizlicə dinləyir

8 Fevral 2026 00:25

Baxış: 4 633

VTB-də minimal faiz dərəcəsi ilə nağd kredit 9.9%-dən

#MARAQLI

Yeni bir elmi araşdırma göstərir ki, evimizdəki bəzi ağıllı cihazlar səs yazmaq üçün mikrofona ehtiyac duymur. Alimlər aşkar ediblər ki, hətta bir tozsoran belə səs dalğalarını analiz edərək danışıqlarınızı "eşidə" bilər.

Milli.Az xəbər verir ki, söhbət xüsusilə robot tozsoranlardan gedir. Bu cihazların əksəriyyəti otağın xəritəsini çıxarmaq və maneələrə çırpılmamaq üçün Lidar (Lazer əsaslı radar) sensorundan istifadə edir. Lidar sensoru ətrafa lazer şüaları yayır və bu şüaların əks olunma müddətinə görə məsafəni hesablayır.

Tədqiqatçılar müəyyən ediblər ki, biz danışarkən yaratdığımız səs dalğaları ətrafdakı əşyalarda (məsələn, kağız torba, stəkan və ya pərdə) çox kiçik vibrasiyalar yaradır. Robot tozsoranın lazer şüası bu vibrasiya edən səthlərə dəydikdə, geri dönən lazer siqnalında dəyişikliklər baş verir. Alimlər bu dəyişiklikləri analiz edərək səsi yenidən bərpa etməyi bacarıblar.

Mütəxəssislər xəbərdarlıq edir ki, bu üsulla:

Otaqdakı danışıqlar 90% dəqiqliklə başa düşülə bilər.

Televizorda izlənilən proqramlar və ya dinlənilən musiqilər müəyyən edilə bilər.

Hətta insanların cinsiyyəti və ruh halı belə səs tezliklərindən müəyyən edilə bilər.

Hələlik bu üsul daha çox laboratoriya şəraitində sınaqdan keçirilib, lakin hakerlərin bu boşluqdan istifadə etməsi mümkündür. Məxfiliyinizi qorumaq üçün:

Robot tozsoranların proqram təminatını (software) həmişə yeniləyin.

Etibarlı və təhlükəsizlik sertifikatları olan markalara üstünlük verin.

Vacib və məxfi görüşlər zamanı bu növ ağıllı cihazları söndürün.

Lalə Qüdrətova
Milli.Az