Maraqlı

Səhv eşitmədiniz - Bu xəstəlik internetdə axtarış edərkən yoluxur

7 Yanvar 2026 22:15

Baxış: 2 135

VTB-də minimal faiz dərəcəsi ilə nağd kredit 9.9%-dən

#XƏSTƏLİK

İnternetdə xəstəliklərə yönələn araşdırmaların həddindən artıq dərəcəyə çatması ilə ortaya çıxan "siberkondri", insanda ciddi həyəcan pozuntusuna səbəb olur.

Milli.Az xəbər verir ki, Beynəlxalq İnteqrativ Psixoterapevt Müzəffər Şahin xəbərdarlıq edir ki, yaxın illərdə rəsmi xəstəlik kimi tanınması gözlənilən siberkondri təkcə psixoloji deyil, həm də fiziki problemlərə yol aça bilər.

İnternetdə xəstəliklər və simptomlar haqqında nəzarətsiz şəkildə hədsiz çox araşdırma aparmaq siberkondri adlanır. Bu hal adətən həyəcan pozuntusu olan şəxslərdə görülür və "xəstəlik qayğısı pozuntusuna" (əvvəlki adı ilə hipokondriya) səbəb olur.

Siberkondrinin yaxın 7-8 il ərzində tibbi təsnifat kodları (DSM-6 və ICD) alaraq tibb dünyasında yeni bir xəstəlik növü kimi qəbul ediləcəyi gözlənilir.

Dr. Şahin bildirir ki, insanlar internetdəki "çirkli məlumatlara" çatdıqca qayğıları artır. Sadə bir əlaməti böyüdərək çox böyük bir xəstəlikləri varmış kimi düşünməyə başlayırlar. Bu gərginlik bədəndə hormonal dəyişikliklərə və real ağrıların artmasına səbəb olur.

Əgər bir şəxs gündə 1-2 saatını internetdə xəstəlik araşdırmağa ayırırsa, bu düşüncələr obsesiv hala gəlibsə və iş-həyat balansını pozursa, mütləq peşəkar dəstək almalıdır.

Mütəxəssislər belə hallarda internetdəki forumlardan və qeyri-dəqiq mənbələrdən uzaq durmağı, yalnız elmi jurnalları, peşəkar həkimlərin və nüfuzlu xəstəxanaların rəsmi məlumatlarını oxumağı tövsiyə edirlər.

Lalə Qüdrətova
Milli.Az

Milli.Az - Xəbər Portalı

Səhv eşitmədiniz - Bu xəstəlik internetdə axtarış edərkən yoluxur

DİGƏR XƏBƏRLƏR

XƏBƏR LENTİ

TOP VIDEO

SORĞU

2026-cı ildən gözləntiləriniz nələrdir?