Maraqlı

Çörəyi bu mətbəx əşyasına bükün – günlərlə təzə qalır!

30 Oktyabr 2025 00:15
Baxış: 2 827
VTB-də minimal faiz dərəcəsi ilə nağd kredit 9.9%-dən
#MARAQLI

Demək olar ki, hər evdə olan, amma çox tez boyatlayan çörəklər üçün mütəxəssislər sadə və effektivüsul təqdim ediblər. 

Milli.Az xəbər verir ki, mütəxəssislər bildirirlər ki, çörəyi saxlamağın ən effektiv yolu "hava keçirdən mətbəx dəsmalı" istifadə etməkdir. Təmiz bir parçaya bükülən çörək artıq nəmi özünə çəkərək kif yaranmasının qarşısını alır. Eyni zamanda, parça çörəyin hava almasına imkan yaradaraq həm qabığının xırtıldığını, həm də içinin yumşaqlığını qoruyur.

Çörəyin kəsilmiş hissəsini aşağıya salaraq yerləşdirmək də havayla təmasını azaldır və boyatlama müddətini xeyli uzadır. Bu şəkildə bükülən bir çörək 2-3 gün, turş maya ilə bişirilmiş çörəklər isə hətta 1 həftəyə qədər təzə qala bilər.

Mütəxəssislərin sözlərinə görə, çörəyi saxlayarkən ən çox buraxılan səhvlərdən biri onu soyuducu, qabyuyan və ya istilik yaradan cihazların yanında saxlamaqdır. Bu bölgələrdə temperaturun və rütubətin dəyişməsi çörəyin ya qurumasına, ya da nəm çəkib kiflənməsinə səbəb olur.

Çörəyi sərin, quru və günəş işığı düşməyən yerdə saxlamaq məsləhətdir. Hava dövranını təmin etmək üçün kağız torba, kətan kisə və ya təmiz parça istifadə oluna bilər.

Əgər çörəyi bir neçə gün ərzində istehlak etməyi planlaşdırmırsınızsa, onu dondurmaq ən yaxşı seçimlərdəndir. Çörəyi əvvəlcə sıx şəkildə streç filmə büküb, sonra dondurucu torbasına qoymaqla, onun təzəliyini həftələrlə saxlamaq mümkündür.

Çörəyi istifadə etməzdən əvvəl gecə boyu otaq temperaturunda əriməyə qoymaq və sonra qısa müddət qızdırmaq kifayətdir. Bu üsulla çörək sanki yenicə sobadan çıxmış kimi təzə və dadlı olur.

Lalə Qüdrətova
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.