Maraqlı

Ölüləri qəbirdən çıxarıb geyindirir və şəkil çəkdirirlər - VİDEO - FOTO

26 Oktyabr 2025 07:07

Baxış: 1 655

VTB-də minimal faiz dərəcəsi ilə nağd kredit 9.9%-dən

#DÜNYADA #MARAQLI #VİDEO #INDONESİA #QƏBİR #MƏZAR #İNDONEZİYA

İndoneziyanın Toraja bölgəsində əsrlərdir davam edən çox maraqlı və bir o qədər də qeyri-adi bir ənənə var.

Milli.Az xəbər verir ki, bu mərasim "Ma'nene", yəni "ölülərin təmizlənməsi bayramı" adlanır. Hər il yerli sakinlər bu xüsusi gündə öz əzizlərinin cəsədlərini qəbirdən çıxarır, onların bədənlərini təmizləyir, yeni paltar geyindirir və onlarla birlikdə şəkil çəkdirirlər.

Bu adət, Toraja xalqı üçün ölümün son deyil, həyatın davamı kimi qəbul edilməsinin simvoludur. Onların inancına görə, ölülər ailənin bir parçası olaraq qalır və onlara hörmət göstərmək ailə bağlarını möhkəmləndirir.

Mərasim zamanı yaxınlarını qəbirdən çıxaran ailələr onları təmiz hava almağa gətirdiklərini, sevgi və xatirələrini təzələdiklərini bildirirlər. Cəsədlər bəzən illərlə torpaqda qalsa da, bölgənin iqlim şəraiti və xüsusi qoruma üsulları sayəsində bədənlərin müəyyən qədər qorunduğu deyilir.

"Ma'nene" mərasimi həm mədəni irsin qorunması, həm də ata-baba ənənələrinə sadiqliyin göstəricisi kimi Toraja xalqı üçün böyük mənəvi dəyər daşıyır. Hər il bu qeyri-adi bayram dünyanın müxtəlif yerlərindən gələn turistlərin də diqqətini cəlb edir.

Musa
Milli.Az