Tərdən saralmış geyimləri qartopu kimi ağardır - Bir qaşıq bəs edir

Ağ rəngli geyimlər qarderobumuzun ən sadə və şıq parçalarındandır. Lakin zaman keçdikcə, xüsusilə qolaltı və yaxa bölgələrində əmələ gələn tər ləkələri geyimlərin saralmasına və solğun görünməsinə səbəb olur.

Milli.Az bildirir ki, lent.az-ın xarici mediaya istinadla məlumatına görə, bu isə həm estetik cəhətdən narahatlıq yarada bilər, həm də geyimlərin ömrünü qısalda bilər. Xoşbəxtlikdən, bahalı yuyucu vasitələrə və kimyəvi maddələrə müraciət etmədən, evdə olan sadə məhsullarla geyimlərə yenidən qar kimi ağlıq bəxş etmək mümkündür.

Əksər insanlar paltaryuyan maşında yuma zamanı yalnız yuyucu vasitənin kifayət etdiyini düşünsə də, bəzi kiçik toxunuşlar böyük fərqlər yarada bilər. Budur, sadəcə 1 qaşıq əlavə etməklə tər ləkələrini yox edən və paltarları ilk günkü kimi ağ göstərən təbii üsul!

Təbii və effektiv təmizlik yolu: Karbonat

Paltaryuyan maşının yuyucu gözüna 1 yemək qaşığı karbonat əlavə etmək, tər ləkələrini təmizləməkdə son dərəcə təsirli üsuldur.

Karbonatın təbii təmizləyici xüsusiyyəti sayəsində parçada yaranan saralmaları aradan qaldırır, eyni zamanda geyimlərin toxumasına da zərər vermir. Həmçinin, pis qoxuları neytrallaşdıraraq paltarların daha təravətli qoxmasına kömək edir. Bu üsul, xüsusilə ağ köynək və futbolkalardakı inadkar saralmalar üçün çox uyğundur.

Effekti gücləndirmək üçün sirkeylə kombinasiya

Karbonatın təsirini artırmaq istəyənlər üçün sirkə də mükəmməl bir tamamlayıcıdır. Yuma öncəsi paltarları bir leğən içində karbonat və sirkə qarışığında 15-20 dəqiqə saxlamaq, ləkələrin yumşalmasına imkan verir. Sonra paltarları maşına atmaq və yuyucu gözüna sadəcə 1 qaşıq karbonat əlavə etmək kifayətdir.

Karbonat və sirkə birlikdə təbii ağardıcı kimi fəaliyyət göstərərək, parçalara zərər vermədən təmizlik təmin edir. Əgər saralmış bölgələr çox qabarıqdırsa, karbonatı birbaşa ləkənin üstünə səpib yüngülcə ovuşdura bilərsiniz. Beləliklə, lokal təmizlik təmin edilir və maşına atmadan öncə ləkənin yumşalmasına kömək olunur. Bu üsul, xüsusilə çoxdan saralmış köynəklər üçün çox faydalıdır.

Açıq rəngli parçalarda da təhlükəsizdir

Sadəcə ağ paltarlar üçün deyil, açıq rəngli parçalar üçün də rahatlıqla istifadə oluna bilən bu karbonat üsulu, ətraf mühitə dost olması ilə də seçilir. Kimyəvi tərkibə malik olmayan bu üsul sayəsində həm təbiətə zərər verməmiş olursunuz, həm də həssas dəriyə sahib insanlar üçün təhlükəsiz təmizlik təmin edirsiniz.

Milli.Az