Maraqlı

Günəş sistemində YENİLİK - 9-cu planet kəşf edildi ?

10 May 2025 11:26
Baxış: 1 098
VTB-də minimal faiz dərəcəsi ilə nağd kredit 9.9%-dən
#PLANET

Günəş sistemindəki planetlərin sayı illərdir sabit kimi görünsə də, alimlər bu anlayışı dəyişdirə biləcək yeni bir kəşfə imza atıblar. Astronomlar uzun müddətdir nəzəriyyə səviyyəsində müzakirə olunan, lakin birbaşa müşahidə olunmamış "9-cu planet"lə bağlı ciddi izlərə rast gəliblər. 

Milli.Az xəbər verir ki, alimlər Günəş sistemində potensial olaraq yeni bir planetin mövcud ola biləcəyini bildiriblər. "9-cu Planet" adı verilən bu göy cisminin Günəşə olan məsafəsi son dərəcə böyükdür və onun Günəş ətrafındakı tam dövrü 10 min ilə 20 min Yer ili arasında dəyişə bilər. Ölçülərinə görə Neptuna bənzədiyi təxmin edilən bu obyekt, Günəşdən təxminən 20-30 dəfə daha uzaqda yerləşir.

Tədqiqatçılar bu planetin varlığını birbaşa müşahidə etməsələr də, onun mövcudluğunu Koyper qurşağında yerləşən obyektlərin qəribə hərəkətləri ilə əlaqələndirirlər. Qeyd edək ki, Koyper qurşağı Neptunun orbitindən o tərəfdə çoxlu sayda xırda səma cisminin toplandığı geniş bir bölgədir.

Əgər bu planet gerçəkdən varsa, onun cazibə qüvvəsi bu qurşaqdakı bəzi cisimlərin orbitlərinə təsir edərək, onların adi trayektoriyadan kənara çıxmasına və Günəş sisteminin digər hissələrinə əks istiqamətdə hərəkət etməsinə səbəb ola bilər. Bu da son illərdə müşahidə edilən anomaliyaların elmi izahını verə bilər. 

Asya
Milli.Az 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.