Maraqlı

Bu insanlar ən az 90 il yaşayır - Sirri Nədir?

3 May 2025 16:00
Baxış: 1 793
VTB-də minimal faiz dərəcəsi ilə nağd kredit 9.9%-dən
#MARAQLI #CƏMİYYƏT #SAĞLAMLIQ

Dünyada 100 və daha artıq il yaşayan insanların sayı ildən-ilə artır. BMT-nin son məlumatlarına görə, hazırda dünyada 100 yaşı keçmiş 600 mindən çox insan var.

Milli.Az xəbər verir ki, onların əksəriyyəti Yaponiyada, ABŞ-da, İtaliyada və Fransada yaşayır. Mütəxəssislər bu fenomeni genetik faktorlar, sağlam həyat tərzi və sosial mühitlə əlaqələndirirlər.

Yaponiyanın Okinava adası dünyanın ən uzunömürlü insanlarının yaşadığı bölgə kimi tanınır. Burada 100 yaşı keçmiş insanların sayı çoxdur və onların gündəlik həyat tərzində təbii qidalanma, fiziki aktivlik və ailə bağlarının möhkəmliyi xüsusi yer tutur.

Azərbaycanın özündə də uzunömürlü insanlara rast gəlinir. Xüsusilə Lerik rayonu bu baxımdan tanınır. Burada bir çox sakin 100 yaşdan artıq yaşayır. Yerli mütəxəssislər uzunömürlülüyü təmiz dağ havası, təbii su mənbələri və stresssiz kənd həyat tərzi ilə əlaqələndirirlər.

Bəzi tanınmış uzunömürlülər arasında 122 il yaşamış fransız qadın Canne Kalment, 118 il ömür sürmüş yaponiyalı Kane Tanaka və 116 yaşında vəfat edən amerikalı Susannah Mushatt Cones də var.

Alimlər bildirirlər ki, uzunömürlülük təkcə genetik mirasla deyil, həm də qidalanma, hərəkətli həyat tərzi, stresdən uzaq durmaq və sosial münasibətlərlə sıx bağlıdır.

Hüseyn
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.