PUL
Xəbərə video əlavə olunub:
-------
09:54
"YouTube"da çəkdiyi videolarla məşhurlaşan və sosial mediada geniş izləyici kütləsi toplayan Danla Bilic şəxsi həyatı ilə bağlı gündəmə gəlib.
Milli.Az xəbər verir ki, Danla Bilic keçmiş sevgilisi Berk Çetin tərəfindən döyüldüyünü açıqlayaraq sosial media hesabında üzünün halını paylaşıb. Bu paylaşım geniş əks-səda doğurub. O, yanvar ayında ayrıldığı Berk Çetinlə bağlı yaşadığı travmatik hadisələri izləyiciləri ilə bölüşüb.
Bilic son paylaşımında Çetinin onu həm döydüyünü, həm də təqib etdiyini bildirib, hadisə ilə bağlı tibbi arayış aldığını, hüquqi prosesin başladıldığını və təhlükəsizliyinin təmin olunmasını gözlədiyini yazıb. Sosial mediada "polis idarəsindəyəm" sözləri ilə paylaşım edən influenser aylardır səssiz qaldığını, lakin zorakılığın artması səbəbilə artıq səbrinin tükəndiyini bildirib.
Berk Çetin isə vəkili vasitəsilə yayımladığı açıqlamada barəsində irəli sürülən ittihamları rədd edib. Açıqlamada "Müvəkkil Berk Çetin haqqında sosial mediada və bəzi xəbər saytlarında yayılan iddialar həqiqəti əks etdirmir. Bu iddiaların hüquqi cavabı veriləcək" deyə qeyd olunub.
Hazırda hadisə ilə bağlı hüquqi proses davam edir.
Qeyd edək ki, Danla Bilicin bir müddət əvvəl Bakıda iştirak etdiyi tədbirdə azərbaycanlıları "zooparkdakılar" adlandırdığı iddia olunurdu. Danla Bilic isə bu iddialara cavab verərək səhnədə ona qarşı edilən təhqir və zarafatlara qarşı səssiz qalmasının səbəbinin tədbirin rahat keçməsini istəməsi olduğunu bildirib. O, azərbaycanlıları çox sevdiyini və bu cür ifadələrin ona aid olmadığını vurğulayıb.
İsmayıl
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.jpg)
.png)
