Maraqlı

Şaxta babanın sirli evi... - FOTO

1 Yanvar 2025 16:00

Baxış: 1 321

VTB-də minimal faiz dərəcəsi ilə nağd kredit 9.9%-dən

#DÜNYADA #MARAQLI #TÜRKİYƏ #BAYRAM #YENİ İL #ŞAXTA BABA

Şimal qütbü Şaxta babanın vətəni kimi tanınır.

Bəs bu hekayə haradan gəlir?

Milli.Az qafqazinfo-ya istinadən xəbər verir ki, Şaxta babanın tarixi 4-cü əsrdə Türkiyənin Mira adlı qədim kəndində yaşamış Aziz Nikolasa gedib çıxır.

Nikolasın alicənablığı ona məşhurluq qazandırmışdı. O, tanınmış xristian idi və hər kəsə hədiyyə verməyi öz vəzifəsi hesab edirdi.

Şaxta babanın Türkiyədən Şimal qütbünə daşınması isə məşhur karikaturaçı Tomas Nastla bağlıdır. Nast bu gün tanıdığımız və sevdiyimiz Şaxta babanın şən görünüşünü yaradıcısıdır.

Tomas Nast

Heç kimin Şimal qütbündə nə olduğu barədə heç bir fikri yox idi. Nast qütbün uzaqlığını və sirliliyini Şaxta babanın və onun şimal maralını yerləşdirmək üçün mükəmməl yer hesab edib.

Qar artıq Milad sevincinin simvoluna çevrildiyi üçün Şaxta babanın qarla örtülmüş, buzla əhatə olunmuş və sehrlə dolu bu yerdə yaşaması daha məntiqli idi.

Bu gün Laplandiya Milad ruhunu yaşamaq istəyənlərin sevimli məkanına çevrilib. Qarla örtülmüş mənzərələri, füsunkar kottecləri və sirli Şimal işıqları ilə Laplandiya dünyanın ən sehrli yerlərindən biridir.

Şaxta babanın isə bu sehrli mənzərəni evi olaraq seçməsi təəccüblü deyil. Buradakı qeyri-adi təbiət hadisələri başqa heç bir yerdə müşahidə olunmur.

Şimal işıqları buranı Şaxta babanın evi kimi görənlərin ən çox diqqətini çəkən elementlərdən biridir. Başqa ölkələrdən görünsə də, ən gözəl mənzərə, şübhəsiz ki, Şaxta babanın evinə yaxın bir yerdən görünür.

Milli.Az