Maraqlı

Bakıda "Black Friday" fırıldağı - VİDEO

30 Noyabr 2024 09:54
Baxış: 2 069
VTB-də minimal faiz dərəcəsi ilə nağd kredit 9.9%-dən
#MARAQLI #CƏMİYYƏT #SOSİAL ŞƏBƏKƏLƏR #MAĞAZA #ENDİRİM

Bakıda bəzi mağazalar "Black Friday"da saxtakarlığa yol verib.

Milli.Az xəbər verir ki, bəzi mağazalar məhsulun öz dəyərini üzərinə yeni etiket yapışdırmaqla endirim kimi təqdim ediblər.

Bu barədə görüntülər sosial şəbəkələrdə yayılıb. Alıcılardan biri mağazanın adını çəkmədən "Black Friday" saxtakarlığını ifşa edib.

Qeyd edək ki, "Black Friday" (Qara Cümə) ABŞ-də yaranmış, Şükranlıq Günündən (Thanksgiving) sonrakı ilk cümə günündə qeyd olunan, böyük endirimlər və alış-veriş aksiyaları ilə tanınan gündür. Bu gün əsasən, Milad mövsümünə hazırlıq məqsədilə insanlar üçün alış-verişə başlamaq üçün bir siqnal kimi qəbul edilir.

"Black Friday" termini 1960-cı illərdə Filadelfiya şəhərində ortaya çıxıb. O dövrdə şəhərin küçələrində alış-veriş səbəbindən yaranan sıxlıq və tıxaclar polis əməkdaşları tərəfindən "qara gün" kimi təsvir edilirdi. Daha sonra bu ifadə geniş yayıldı və müsbət məna qazandı, çünki mağaza sahibləri həmin gün böyük gəlirlər əldə edərək "qırmızı rəqəmlərdən" (zərərdən) "qara rəqəmlərə" (qazanca) keçirdilər.

Hazırda "Black Friday" təkcə ABŞ-da deyil, dünyanın bir çox ölkəsində geniş miqyasda qeyd olunur. İnternet alış-verişin inkişafı ilə "Cyber Monday" (Kiber Bazar ertəsi) də bu dövrün bir hissəsinə çevrilib, burada daha çox onlayn endirimlər təklif edilir.

İsmayıl
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.