Maraqlı

Smartfonun ömrü barədə doğru bildiyimiz yanlışlar və miflər

3 Dekabr 2023 12:00
Baxış: 1 361
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Smartfonun ömrünü qısaldan ən yayılmış səhvlərdən biri cihazın düzgün doldurulmamasıdır.

Milli.Az oxu.az-a istinadən xəbər verir ki, bu barədə rusiyalı ekspert Aleksandr Rusnak bildirib.

O istifadəçilərə batareyanı qorumaq üçün smartfonu düzgün doldurmağın yollarını izah edib.

Mütəxəssis batareyanı tükənənə qədər istifadə etməkdən çəkinməyi məsləhət görür. Onun sözərinə görə, enerji 10-20%-ə düşsə batareyanı doldurmaq məsləhətdir.

Rusnak həmçinin telefonu enerji ilə 100% deyil, 80-90% doldurmağı tövsiyə edir.

Mütəxəssis batareyanın ömrünü qısaldan digər amil kimi orijinal olmayan şarj cihazlarından istifadəni göstərib. Onun sözlərinə görə, bu, hətta qısaqapanmaya səbəb ola bilər.
"Yalnız sertifikatlı və hərtərəfli sınaqdan keçmiş şarj cihazlarından istifadə etmək lazımdır", - deyə mütəxəssis bildirib.

Rusnak "Bluetooth", Wi-Fi, GPS-in söndürülməsinin smartfonun enerjisinin saxlanılmasındakı rolu ilə bağlı mifləri təkzib edib.

O, sürətli enerji dolduran qurğular barədə deyilənlərə də aydınlıq gətirib. Mütəxəssisin sözlərinə görə, bu cihazlar düşünülənin əksinə olaraq, akkumulyatora zərər vermir. Çünki müasir modellərdə akkumulyatorun doldurulma sürətinə nəzarət edən xüsusi kontrollerlər var.

"Telefonunuzun batareyası çox tükənməyə başlayırsa, arxa planda işləyən proqramın olub olmadığını yoxlamaq lazımdır. Siz həmçinin ekran parlaqlığını azalda və ya displey parametrlərində xüsusi rejim seçə bilərsiniz", - deyə ekspert sözlərini yekunlaşdırıb.

Milli.Az

Xəbərlərimizi WhatsApp kanalımızdan da oxuyun

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.