Keçmiş KQB zabiti olan bu qadın kişiləri aldatmağın yollarını öyrədir - FOTO

Keçmiş KQB agenti Aliyə Roza sosial şəbəkələrdə pərəstişkarlarına kişiləri şirnikləndirmək barədə bəzi məsləhətlər verib. O, qadınlara görüşə getməzdən əvvəl "kişilərin psixologiyasını" öyrənməyi təklif edir.

Milli.Az sfera.az-a istinadən xəbər verir ki, keçmiş KQB əməkdaşı, casus, Sovet İttifaqında doğulmuş Aliyə Roza oliqarx kişilərin psixologiyasını izləyib. Qadın "kişi psixologiyası" sahəsində mütəxəssis olub.

İllərlə xarici agentləri və oliqarxları şirnikləndirən keçmiş rus casusu qadınlara kişiləri daha yaxşı başa düşməyə kömək edəcək sirləri açıqlayıb.

39 yaşlı Aliyə Roza Qazaxıstanda anadan olub və Sovet İttifaqının dağılmasından sonra Rusiya hökumətinə casusluq edib. Çox məxfi missiyaları yerinə yetirərək, o, "kişi psixologiyası" sahəsində mütəxəssis olub.

Tezliklə "Ceyms Bond qızı" (özünü belə adlandırır) hər hansı bir kişini necə əldə etmək barədə 200 funt sterlinq, bir saatlıq dərslər verməyə başlayıb. İndi o, ildə təxminən 1,5 milyon funt sterlinq qazanır.

Aliyənin pərəstişkarları var ki, onun işinin hiylələrini öyrənməyə ümid edirlər. O deyir ki, tələbələri istədiklərini əldə etməyi öyrənirlər. Superlady üzvlüyü onlara eksklüziv qırmızı xalça tədbirlərinə çıxış imkanı verir.

Aliyə 1,2 milyondan çox abunəçisi olan sosial şəbəkə adresi vasitəsilə aktiv şəkildə bloq yazır.

Keçmiş casus istənilən qadının qrupa qoşula biləcəyini qeyd edərək, bu vasitələrdən gündəlik həyatında istifadə etdiyini bildirib.

"Məktəbdə oxuyanda "inək" idim və zorakılığa məruz qalırdım. Ruslar arasında yeganə Asiya görünüşlü insan mən idim və uşaqlar məni təhqir edirdilər. Sızanaqlarım olduğu üçün məni çirkin adlandırırdılar. Özgüvənsiz idim".

Qeyd edək ki, qızın atası və anası da casus olublar.
Aliyə iddia edir ki, cazibədarlığın gücü görünüşdə və ya özünə inamda deyil, xarizmadadır.

"Anam da, atam da sovet xüsusi xidmət orqanlarının üzvü idilər. Ona görə də məncə, bu, mənim üçün təbii idi. Onlar mənə casusluqla bağlı hər şeyi öyrətmişdilər: yerimək, makiyaj etmək və ən əsası, psixologiyanı başa düşmək. Bu, Ceyms Bond qadını roluna bənzəyirdi. Onlar bizim xarizmanı - auramızı yaradıblar və insanları aldatmaq üçün bizə ən yaxşı üsulları öyrədiblər. Bütün bu texnikaları o vaxtdan gündəlik həyatıma uyğunlaşdırdım. Kilolu və ya qısa boylu olmağıma baxmayaraq, hər şey xarizma ilə bağlıdır"- deyə Aliyə əlavə edib.

Qadın kiçik oğlu ilə İsveçrədə, Londonda, sonra isə ABŞ-da yaşayıb.

Həmişə dəbə tərəf yanaşan Aliyə həyatda bu qədər sınaqlardan sonra öz PR şirkətini qurub. İndi o, sevdiyi işlə məşğul olur, həmçinin 1,2 milyondan çox abunəçisi olan sosial şəbəkələrdə fəal şəkildə bloq yazır.

Milli.Az