Maraqlı

Fransalı məşhurlar da etirazlara qoşuldular

25 Mart 2023 11:36
Baxış: 591
VTB-də minimal faiz dərəcəsi ilə nağd kredit 9.9%-dən
#FRANSA

Fransanın məşhur aktrisası pensiya islahatlarına qarşı etirazlara qoşulub
Məşhur fransalı aktrisa və "Oskar" mükafatı laureatı Jülyet Binoş Fransada pensiya islahatlarına qarşı keçirilən etirazlara qoşulub.

Milli.Az report-a istinadən xəbər verir ki, "İngilis pasiyent" filminin ulduzu 300 digər kinematoqraf, o cümlədən "Oskar" mükafatlı fransız rejissor Mişel Xazanaviçius ("Artist" filmi) ilə birlikdə Fransa Prezidenti Emmanuel Makrona pensiya layihəsinin geri götürülməsini tələb edən açıq kollektiv məktub imzalayıb.

"Siz ədalətsiz, səmərəsiz və əhalinin ən həssas təbəqələrinə daha ciddi təsir göstərən pensiya islahatı həyata keçirmək qərarına gəldiniz. Sizin islahatınız ölkə vətəndaşlarının böyük əksəriyyəti tərəfindən rədd edildi", - məktubda deyilir.

Qeyd edək ki, davam edən etirazlara, tətillərə baxmayaraq, keçən həftə Fransa hökuməti pensiya yaşının 62-dən 64-ə qaldırılmasını nəzərdə tutan qanun layihəsini qəbul edib.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.