Maraqlı

Bred Pitt və Ancelina Coli, bir də qarpızlı Şıxov çimərliyi - FOTO

24 Aprel 2012 10:23

0 Şərh Baxış: 2 010

VTB-də minimal faiz dərəcəsi ilə nağd kredit 9.9%-dən

#ECUADOR

Daha doğrusu, Şıx çimərliyinə baş çəkməyiblər.
Bəlkə bu səbəbdən onlar çimərlikdə "üsuli-ədəb"lə çimməyin və dincəlməyin yönünü bilmirlər.
Bilsəydilər, Ekvador sahillərinin yaxınlığında, Qalapaqos adasında "kamil" istirahət edərdilər.

Milli.Az TMZ-yə istinadən bildirir ki, 6 ildən bəri birlikdə yaşayan və nikahlarını bu yaxınlarda toyla rəsmiləşdirməyə hazırlaşan Ancelina ilə Bred çimərliyə övladları ilə birlikdə yollanıblar.

Əllərində də kiçik, sarı rəngdə yeşik, yeşikdə uşaqların çimərlik paltarları, azacıq nahar və dəsmallar. Bir də boz rəngdə çanta, vəssalam.

Halonki Şıx çimərliyində olduğu kimi, qumsal sahilə samovar, iki-üç termosda çay və çoxlu mineral su butulkaları, qarpız, ağzı nimçə ilə örtülmüş qazanda yarpaq və badımcan dolması, pivə şüşələri ilə yollanmadınsa, belə istirahət zadəgan relaksı, üsuli-ədəbli dincəlmək sayılmaz.
Bred və Ancelina övladları Noks, Vivyen, Zaxara, Paks, Şilo ilə qumsallıqda əyləniblər.

Qarpızı yeyib qabığını kənara atmadınsa, dolmanın yağının süzüldüyü barmaqlarla dənizdə çimən uşaqları "Ədə, bəri gəl!" sözlərinin müşayiəti ilə çağırmadınsa, qarğıdalı və günəbaxan tumu ilə qumsallığı bəzəmədinsə, sonra da şezlonqa uzanıb ətrafa boylanaraq adamların vizual monitorinqini aparmadınsa, nə çimmək, nə həzz və ümumiyyətlə, nə istirahət?!

Zavallı Ancelina və Bred nə bilsinlər çimərlikdə dincəlməyin yönünü ki... Sizcə, bizim şou-biznes ulduzları belə yöndəmsiz, biabırçı və utandırıcı görkəmdə çimərlikdə dincələrlər?

Milli.Az

Böyütmək üçün şəkillərə klikləyin.