Kəpəyi aradan qaldıran, saçları parlaq edən təbii vasitə

Dünya əhalisinin təxminən 50%-i kəpəkdən əziyyət çəkir.

Araşdırmaya görə, alma sirkəsi kəpəyi azaldır, həmçinin saç problemlərinə qarşı da faydalıdır.
Bakupost.az alma sirkəsinin faydalarını təqdim edir:

Saça qulluq üçün istifadə edilən kimyəvi məhsulların baş dərisində yığılması kəpəyə səbəb olan bir faktordur. Alma sirkəsi bu kimyəvi məhsulların baş dərisində yığılmasını aradan qaldırmağa kömək edir, dərini və saçları təmizləyir.
Baş dərisinin sağlamlığını qoruyur və kəpək əmələ gəlməsinin qarşısını alır.

Araşdırmanın nəticələri göstərir ki, alma sirkəsi saçların uzanmasına da kömək edir və saç problemlərini azaldır.
2017-ci ildə Fələstində aparılan bir araşdırma, alma sirkəsinin kəpək, baş dərisində sızanaq əmələ gəlməsi, bit, keçəllik, saç tökülməsi kimi bir çox saç problemini azaltmağa kömək etdiyini və saç uclarını canlandırdığını sübut olunub.

Kəpəyin əmələ gəlməsinin ən mühüm səbəbi baş dərisindəki bəzi parazitlər və ya göbələklərdir. Kəpəkli saçlarımıza alma sirkəsi sürtmək onları baş dərimizdə məhv edir, saçın ph səviyyəsini tarazlaşdırır və qısa müddətdə sağlam baş dərisini təmin edir.

Alma sirkəsi masajı

Baş dərisinə masaj edərək alma sirkəsinin çəkilməsi sirkənin saç köklərinə nüfuz etməsinə imkan verir və qan dövranını sürətləndirir. Saçda alma sirkəsinin istifadəsi saç dərisində kimyəvi məhsulların yığılmasını aradan qaldıraraq pH və yağ balansını tarazlaşdırır. Alma sirkəsi masajı baş dərisinin sağlamlığını qorumaq və onu təmiz saxlamaq üçün ən təsirli üsullardan biridir.

3 xörək qaşığı alma sirkəsini 1 xörək qaşığı su ilə qarışdırın.

Qarışığı sprey şüşəsinə doldura bilərsiniz.

Baş dərisinə sürtün və yumşaq bir şəkildə masaj edin

Alma sirkəsini saçda təxminən 10 dəqiqə saxlayın.

Sonra adi şəkildə yuyun.
Həftədə 1-2 dəfə təkrarlayın.

Saçları alma sirkəsi ilə yaxalamaq kəpəyi aradan qaldırmağa, saçlara parlaqlıq verməyə və baş dərisinin pH balansını saxlamağa kömək edir.

2 xörək qaşığı alma sirkəsini 1 stəkan su ilə qarışdırın.
Yuduqdan sonra qarışımı saçlarınıza tökün.
Sirkəli sudan sonra saçlar yenidən yuyulmur.
Bunu həftədə bir dəfə təkrarlaya bilərsiniz.

Qeyd: Alma sirkəsi ilə yuyulduqdan sonra sirkə qoxusu saçda qalmır, qısa müddətdən sonra yox olur.

Aspirin

Kəpəyi yox etmək üçün aspirin və alma sirkəsini sınaya bilərsiniz. Aspirinin tərkibində kəpək əleyhinə şampunların əksəriyyətində istifadə olunan salisilik turşusu var.

1 stəkan alma sirkəsi və 3 ədəd aspirin tableti bir qabda əzərək qarışdırılır.

Saçlar yuyulduqdan sonra sirkə-aspirin qarışığı saça tökülür və tökülərkən baş dərisi masaj edilir.

Qarışıq saçda təxminən 5 dəqiqə saxlanılır və sonra saç yaxşıca yuyulur.
Bu üsul iki həftədən bir təkrarlana bilər.

Milli.Az