Maraqlı

Revmatoloji xəstələr ağ undan imtina etməlidir - Həkim

26 Noyabr 2022 23:15
Baxış: 1 196
VTB-də minimal faiz dərəcəsi ilə nağd kredit 9.9%-dən
#SAĞLAMLIQ

Revmatoloji xəstəliklərin ilkin əlamətlərindən biri oynağın iltihabi xəstəliyi olan artritdir. Həkim-revmatoloq Nərgiz Hüseynovanın sözlərinə görə, artrit oynaqlarda qızartı, şişkinlik, ağrı şikayəti ilə özünü göstərir və ciddi hərəkət məhdudiyyətinə səbəb olur. Zaman keçdikcə hərəkət məhdudiyyəti qalaraq fiziki qüsura gətirib çıxara bilər.

"Medicina" xəbər verir ki, hazırda revmatoloji xəstəliklərin elmə məlum olan 200-dən çox növü var. Onların bir qismində artrit olsa da, digərləri sadəcə daxili orqanların, damarların yuyulması və zədələnməsi nəticəsində baş verə bilər. Bura ağciyərlər, ürək, mədəaltı vəzi, böyrəklər, bağırsaq, gənc xanımlarda ana olmaqla əlaqədar narahatlıqlar daxildir.

"Revmatoloji xəstəliklərin yaşı yoxdur, yeni doğulmuşdan tutmuş ən ahıl yaşa qədər həmin diaqnozu qoymaq olur. Lakin gənclər və orta yaş qrupu həmin xəstələr arasında üstünlük təşkil edir. Hormonal disfunksiyalar, əvvəllər keçirilmiş hər hansı infeksion xəstəliklər və immun sisteminin digər problemləri həmin xəstəliyə gətirib çıxara bilər. Buğdadan hazırlanan ağ un məmulatlarının tamamilə məhdudlaşdırılması, tərəvəzlərlə daha çox qidalanmaq, duz və şəkər kimi əlavə dadlandırıcı vasitələrdən istifadə etməmək məsləhət görülür", - deyə həkim-revmatoloq bildirib.

Müasir revmotologiyada artritdən yaranan əlilliyin qarşısını almaq üçün çox müasir dərman preparatları var. Vaxtında həkimə müraciət etməklə onun qarşısını almaq mümkündür. Fiziki müalicə üsulları, üzgüçülük, yürüş, pəhriz saxlamaq və zərərli vərdişlərdən uzaq olmaq xəstəliyin müalicəsində kömək edə bilər.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.