Maraqlı

İlahi, Sənə tərəf qayıtsam, məni qəbul edərsənmi?

29 Sentyabr 2022 22:55
Baxış: 867
VTB-də minimal faiz dərəcəsi ilə nağd kredit 9.9%-dən
#DİN

İlahi! İyirmi il Sənə ibadət etdim, iyirmi il də Sənə qarşı günah etdim.

Bəni-İsraildə bir cavan yaşayırdı. O, Haqq Taalaya ibadət edir, gündüzləri oruc tutur, gecələr səhərə qədər namaz və itaətlə məşğul olurdu. O cavan iyirmi il bu minvalla beləcə şirin ibadət etdi.

Günlərin birində şeytanın toruna düşdü və ona aldandı, yavaş-yavaş Allahdan uzaqlaşdı, ibadətlərini tərk edib, günaha qurşandı. Beləliklə, günahkarların cərgəsinə daxil oldu və iyirmi il öz günahını davam etdirdi.

Cavan bir gün güzgü qarşısında dayanıb özünə baxırdı. Birdən ağarmış saçları onun diqqətini çəkdi. Öz günahlarına nifrət etdi, etdikləri əməllərdən peşman oldu, ağlayıb, nalə etdi.

Utanan halda Allah dərgahına üz tutub dedi: - İlahi! İyirmi il Sənə ibadət etdim, iyirmi il də Sənə qarşı günah etdim. Əgər Sənə tərəf qayıtsam, yenə məni qəbul edərsənmi?

Bu zaman bir nida gəldi:

"اجبتنا فاحببناک ترکتنا فترکناک و عصیتنا فامهلناک و ان رجعت الینا قبلنا"

- Nə qədər ki, bizi sevirdin, biz də səni sevirdik. Bizi tərk etdin, biz də səni tərk etdik. Bizə qarşı günah etdin, sənə möhlət verdik. İndi yenə qayıtmaq istəsən, səni qəbul edərik.
Cavan tövbə edərək abidlər cərgəsinə daxil oldu.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.