Maraqlı

Atalar günündə özünə hədiyyə verib, iki milyon dollar udub

22 İyun 2022 20:37

0 Şərh Baxış: 927

VTB-də minimal faiz dərəcəsi ilə nağd kredit 9.9%-dən

#DÜNYADA

Amerikanın Şimali Karolina ştatının Roli şəhərinin sakini Atalar Günündə özünə hədiyyə etmək qərarına gəlib, lotereya bileti alıb və cekpotu udaraq varlanıb.

Milli.Az bildirir ki, bu barədə UPI xəbər agentliyi məlumat yayıb.

64 yaşlı Con Rocers ərzaq mağazasına gedib və Atalar Gününü qeyd etmək qərarına gəlib. O, 20 dollara ani lotereya bileti alıb. "Biletləri alanda dedim ki, bu, mənim özümə Atalar Günü hədiyyəsidir. Bu, heç vaxt unuda bilməyəcəyim bir Atalar Günü olacaq".

Kişi biletin qoruyucu təbəqəsini silib və məlum olub ki, o, iki milyon dollarlıq birinci mükafatı qazanıb. O, etiraf edib ki, bəxtini hələ də dərk etməyib.

Amerikalı aldığı pulun bir hissəsini hesabları ödəmək, kilsəsinə ianə vermək və ailəsinə kömək etmək üçün istifadə etməyi planlaşdırır. Bundan əlavə, o, həyat yoldaşı ilə tətilə getməyə hazırlaşır. "Mən həmişə ona deyirdim ki, onu Havay adalarına aparacağam və indi belə fürsətim var", - o dedi.

İrfan Vəliyev
Milli.Az