Maraqlı

Alp dağlarında ixtiozavr qalıqları tapılıb

3 May 2022 09:52
0 Şərh     Baxış: 5 613
VTB-də minimal faiz dərəcəsi ilə nağd kredit 9.9%-dən

İsveçrənin Alp dağlarında tapılan üç ixtiozavrın qalıqları paleontoloqlar tərəfindən təsvir edilib. İki heyvanın uzunluğu 15 və 21 m təşkil edir. Məlum olan ən böyük ixtiozavr dişi də tapılıb ki, uzunluğu 15 sm-dir. Digər skeletdə isə diqqət çəkən gövdə fəqərəsi olub, bu, Avropada ən böyük və dünyada ikinci ən böyük fəqərə hesab olunur.

Milli.Az oxu.az-a istinadən bildirir ki, ixtiyozavrların çəkisi təxminən 80 ton ola bilərdi - onlar 250 milyon il əvvəl Pangeya qitəsini əhatə edən okeanlarda yaşayırdılar.

Onların qalıqları bütün planet boyu tapılır, lakin əksəriyyətinin ölçüləri elə də böyük olmur. Ən böyük heyvanların sümükləri Himalay, Şimali Amerika və Yeni Kaledoniyada, indi isə Alp dağlarında tapılıb. Sümüklərin tapıldığı 2,8 km yüksəklikdə 200 milyon il əvvəl lagunun (gölün)  dibi vardı və ixtiozavrlar buraya balıq üçün gəlirdilər.

Nəhəng dişin sahibinin ölçülərini müəyyən etmək mümkün olmayıb, lakin onun indiki dövrdə iyerarxiyada qatil balinalarla eyni yeri tutduğuna dair bir fərziyyə var.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.