Maraqlı

Samsung flaqmanları MediaTek-ə keçə bilər

7 Aprel 2022 22:35
0 Şərh     Baxış: 1 347
VTB-də minimal faiz dərəcəsi ilə nağd kredit 9.9%-dən
#TEXNOLOGİYA

Samsung öz flaqman smartfonlarını MediaTek şirkətinin prosessorları ilə təchiz etməyə başlaya bilər. Ola bilsin ki, bu cür qərarın səbəbi MediaTek prosessorlarının performanslarının reytinqlərdə ikinci yeri tutmalarındadır. Birinci yeri isə Apple şirkətinin A Bionic seriyası tutur. Verilmiş məlumata əsasən Samsung MediaTek prosessorlu iki yeni flaqman smartfon üzərində çalışır. MediaTek prosessorlarına keçid isə öz növbəsində Samsung-a digər istehsalçılar qarşısında qiymət məsələsində üstünlük verə bilər.

Digər tərəfdən bu cür seçim Samsung-un fərdi Exynos prosessorlarının bazardakı paylarını aşağı sala bilər. Strategy Analytics-in verdiyi məlumata əsasən keçən il MediaTek-in mobil prosessorlar bazarındakı payı 26.3%, Qualcomm-un isə payı 37.7% təşkil etmişdi. MediaTek aşağı və orta qiymət seqmentinə sahib məhsullarını təklif etməklə daimi şəkildə diqqəti cəlb edib. Bunun sayəsində smartfon istehsalçıları öz cihazlarının yekun qiymətlərini aşağı sala biliblər. Dimensity 9000 prosessorunu təqdim etməklə isə şirkət Snapdragon 8 Gen 1 və Exynos 2200 kimi prosessorlarla rəqabət apara bilər. Məlumatda qeyd edilib ki, Galaxy S22 FE smartfonu bu ilin ikinci yarısında təqdim oluna bilər və onun MediaTek prosessoru ilə təchiz olunma şansı çox yüksəkdir.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.