Maraqlı

Kainatın görünən hissəsindəki qara dəliklər sayıldı

27 Yanvar 2022 21:50
0 Şərh     Baxış: 363

Qara dəlikləri görmək imkanının hələ olmadığına baxmayaraq alimlər onların kainatın görünən hissəsindəki təqribi saylarını təyin etməyə nail ola biliblər. Alimlərin məlumatlarına əsasən onların sayı həddindən artıq çoxdur. Qeyd etmək lazımdır ki, alimlər ulduz kütləli  qara dəliklərin saylarını təyin ediblər. Söhbət, tək və ya ikili ulduzların məhv olmalarından sonra yaranmış qara dəliklərdən gedir. Əldə olunmuş nəticə onu göstərir ki, qara dəliklər kainatın görünən hissəsindəki adi materiyanın 1%-ni təşkil edirlər. Daha dəqiq desək, kainatın görünən hissəsində ulduz kütləli 40 kvintilyon ədəd qara dəlik mövcuddur. Aparılmış tədqiqatda alimlər həmçinin qara dəliklərin birləşmələri faktorundan da istifadə ediblər.

Belə ki, qara dəliklərin birləşmələri nəticəsində yaranan qravitasiya dalğaları üzrə əldə edilmiş məlumatlar əsasında qara dəliklərin saylarını təyin etmək mümkündür. Nəticədə alimlər kainatın mövcud olduğu bütün müddət ərzində ulduz kütləli qara dəliklərin yaranma sürətlərini təyin etməyi bacarıblar. Alimlərin sözlərinə əsasən hal hazırda kainatın görünən hissəsində ulduz kütləli 40 kvintilyon qara dəlik olmalıdır. Bununla belə ən yüksək kütləli qara dəliklər ikili qara dəliklərin birləşmələri nəticəsində yaranıblar. Alimlər həmçinin erkən kainatdakı ulduz kütləli qara dəliklərin saylarını da təyin edə biliblər. Bu, çox vacib məsələdir. Belə ki, kainatın yaranmasından sonrakı ilkin mərhələlərdə super kütləli qara dəliklərin necə yarandıqları hələ də məlum deyil.

Milli.Az

40 000 AZN-dək krediti ONLAYN sifariş et!

Şərh yaz:

0 Şərh:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics